Pathian hnatuan nakih hlawhtling nak cu daan ruangah siloin a thianghlim mi thlarau thianghlim ruangah asi tiin Pope in a sim. May 21, 2020

pope_francis_celebrates_mass_on_world_mission_day_in_2019_vatican_media.jpegpope_francis_celebrates_mass_on_world_mission_day_in_2019_vatican_media.jpeg

Pathian hnatuan nakih hlawhtling nak cu daan ruangah siloin a thianghlim mi thlarau thianghlim ruangah asi tiin Pope in a sim. May 21, 2020

          Gospel cathianghlim simnak cu ram thuhla (asilole) biaknak lam pom daan tuan daan pawl thawn a dang aw. Thuthangtha sim cu thiang thlarau ih man nei lo thluasuah hrimhrim a si. Himi thiam nak cu ziangvek zir nak khalah zir a ngah lo. Cutivekin ziangvek biaknak lam pawlkom khalin a pe thei lo. Mahte cohlang, ngaihsang nak in, mah rori ih tuah nak lawng in, cutivekih tuah nak in minung pawl ih theih a siding a si. Pope cu tui lai tikcu caanah Pope ih on nak a ngah tu biaknak lam ih Pawlkom thawn Rome khuapi ah ton khawm ding asinan covid-19 pulh nat nak ruangah a thawn. Cui pawlkom ih kumtin a phunphun thu relkhawm nak thawn pehparin Pope in a tang lam vekin a sim.

                                        Pawlpi ih a hrampi

          Kawhhran pi ih Pathian rongbawl nak cu a thianghlim mi Pathian ih a lai fang nak a si. Kan ruah nak, kan tumtah nak a that ruangah a silo. Thiang thlarau ih lungawi nak hmuh nak cu thluasuah a si. Cui thluasuah lawng kan hnenah Gospel thusim dingih forhfial nak a si. Rundamnak cu kan thazang ruangah asilo vekin minung sinak a la tu Khrist ih thuthangtha kan sim ruang khalah a silo. Rundamnak cu in ko tu thawn tonawk lawngah ngah a theih. Curuangah lungawi nak le zangfah nak ih ngah mi a si. Gospel thuthangtha sim ti tikah thawm huham thawn a thosal tu Khrist lang sar ter nak  a si.

                    A dang lam zet mi Pathian hnatuan nak thuhla pawl

          Ca sung vekin Pathian hnatuan nakah a tanglam thu pawl cu a dang lam zet. Cumi pawl cu,

(1) Mi hip thei nak, kawhhran pi cu leilungtlunah mihip nak nei zet in a thang lian. Hngek khoh zet in kai hrem a ngah lo. Khrist ih dungthlun tha kan sile kan nunnak ah lungawi zet ih kan um cu mi in na hmu ding. Cui nuam nak thawn a nung tu pawl ih nunram a hmu tu pawl cu an mang a bang ding.

(2) Lungawi thiamnak, lungawi thusim thiamnak, lungawi nak ding theih nak khal a thupi mi pakhat a si. Ziangruangahtile Pathian hnatuan duh nak thinlung cu ruah nak ih tuat nak ihsin ngah a theih lo. Tuah ding khalin a tul lo. San khal a nei lo. Rongbawl nak timicu Pathian zangfah nak ruahsan nak a si.

(3) Tangdor nak, lungawi nak le rundam nak cu kan neih mi ro thil a silo. Kan thiam tuk ruang khal ih kan ngah mi a silo. Jesuh Khrist ih thuthangtha cu tangdor nak lawng in kan phung thei. Mah le mah uan awk nak neih lo ding.

(4) Fel fai nak, fel fai nak khal Pathian thuthangtha sim nak ah a thupi  zet mi pakhat asi. A hnok zet mi buai nak um ter lo ding. Pathian hnatuan nak ah a tul lo tukin thil rit ih can ter lo ding. Ziangruangahtile minung pawl cu leitlun har nak ruangah an thin a bang tuk zo. Curuangah a tul lo mi a dang program, thu hla pawl bet ding a sinawn lo. Felfai le tlaitluang zet in pom thiam dingah tuah ding a si.

(5) A thleng aw rero mi nun thawn nai zet ih umnak, ziangruangahtile Pathian hnatuan ti tikah minung pawl um nak hmun le an si rero mi vekin nai te ih um a si. Pathian minung pawl ih tuar nak tuar ve a si. A nautabik le a niambik minung pawl fim khawm nak a si. Himi lamzin siar lo a dang hril ding a um lo.

                              Thazang pawl khaisang nak

          Hmailam ruahsan nak khal Pope hminsinnak a neih mi Pathian hnatuan pawlkom pawl cu rawngbawl nak ram ih tul mi parah bunaw in cang nak a si. Himi ruah nak cu tikholh nak saramentu san nak in Khrist ah a thar in kan suah nak a si. Curuangah Pathian hnatuan nak lamzin cu Pathian minung pawl ih ruahnak, tul mi thawn pehpar awk nak a um. Pathian hnatuannak pawlkom pawl cu thla cam nak le zangfah hnatuan nak tuah nak lawng tiin hrampahnih a thang. Himi kawhhran hnatuan pawlkom cu Rome dioceses ih hminsin nak an ngah. Anmah pawl cu an hnatuan nak hmun ah rian an tuan a si. Kawhhran hnatuan nak pawlkompi cu leitlun rampi a phunphun ah sim phuan rero a si. Hitivekih tuah nak cu kom a theih lomi ruah nak pahnih kom aw rero mi phun cu a kham thei ding asi.

https://bit.ly/3grJkxS

                             

 

Add new comment

3 + 0 =