Pathian ih kawh mi unau hnih tei cu nikhat niah Puithiam cannak an lak. June 12, 2020

Pathian ih kawh mi unau hnih tei cu nikhat niah Puithiam cannak an lak. June 12, 2020

Thla (18) a thlau aw mi, a phun in cun kumkhat a thlau aw mi mipa unau hnih, fehtlang, nungtlang, a nuam aw mi unau hnih tei, America ram ih thlang lam Louisiana ah a thanglian mi an si. May thla (30) ahcun an nun ram Pathian le Kawhhran hrang ap aw a si. Bulpit hmaiah an pe aw zo. Cumicaan cu 2011 kum thok lam a si. Unau hnih tei, an rualpi pawl thawn an colh caan picnic an feh caan a si. Siangbawi can nak lak hnu a rei hrih lo mi Siangbawi pakhat ih a cangvaih nak cu midang pawl hrangah zoh thim tlak thil tha an hmuh. Cui Siangbawi thawn hmuh awk thei nak caan a ngah tu a nautatu mipa Connor, Pathian kawh nak a thei ih Siangbawi can nak tlawng ah a feh.

          Pathian kawh nak aw a ngai tha lo tu, upa tu Peter a si. Khual tlawn nak ih Bawi Jesuh thi le sa san lai ah a thinlung sungih thusuh nak pakhat cu "siibawi na tuan duh ngaingai maw?" timi thusuh nak a si. Cui thusuh nak ih san nak cu "el nak" pakhat asithu Peyton in a thei. Asinan a ruah tinten a thin a nuam tu Peyton Siangbawi tlawng ah ka feh ding timi ruah nak a si. Cumi lamzin zoh dingah Connor in a thei fiang. A duh zet mi nunau pakhat a tan ding ti Peyton in a thei.

          Siangbawi tlawng ih a nuam aw rero zomi Connor, nikhat ah tuar thei lo khop in a thin a khur. Cui a thin khur nak cu a u in Siangbawi cang ding ih a potcat timi thu tha a theih ruangah a si. Kumkhat hman a hlat aw duhlo mi an hlat aw-ih, tui kum ahcun an um tlang thei sal ding timi lungawi nak cu ziang thawn hman tahthaim a theih lo. Sun zan hmunkhat ih Siangbawi can nak tlawngah caan hmang tlangin, Peyton le Connor pakhat le pakhat bawm aw phahin caan an hmang ih a tui can ahcun Pathian ih hmuan ah nunram ap dingah an man cia zo.

          A dang lam ih a mal zet hi hi unau hnih tei cu Siangbawi nunram ah kawh nak an ngah zo. Himi thuthang cu CNA thuthang ih kan ngah mi a si.  

      https://bit.ly/2B2p3yD