Pathian ih tongkam taang ih pom nak ti mi cu Jesuh Khrih taang ih pom nak a si thu (July 12, 2020)

Pathian ih tongkam taang ih pom nak ti mi  cu Jesuh Khrih taang ih pom nak a si thu Pope Francis in a sim

          Zarhpi ni Angelus thlacam lai ih sair mi Thuthangtha ruat in thlaici vorh tu tahthimnak cu, “Tahthiamnak pawl ih Nu” tin a sim. Ti duh san cu Pathian ih tongkam cu tha ten ngai in a bang aw lo mi leilung par ih a tla mi thlaici a vorh tu ih thuhla a hmuh.

          Pope Francis in Pathian ih tongkim cu hi tin a sim. Pathian ih tongkam cu ruah nak lawng ih theih mi tongkam a si lo. Bawinu ih pum sungah minung sinak a rak lak ih Pathian tongkam, Bawi Jesuh a mah rori hi a si. Curuangah Pathian ih tongkam pom nak ti mi cu Jesuh Khrih pom nak a si.

Pathian ih tongkam cohlan nak

          “Pathian ih tongkam cohlan dan tampi a um. Lamzin par ih a tla mi thlaici pawl vek in vate pawl an ra ih thlaici pawl cu an ei. Cu mi cu kan mai san ih kan ruah nak siat ter tu a tumbik mi pakhat a si. Pope Francis ih a sim bet mi cu, “thupi lo mi tong pawl, hmuh dan pawl, innsung innleng ih thinlung hnaihnok nak pawl cat lo in a um caan pawl cu kan mah harsat nak in pek nak in thawmvang um lo nak duh nak thinlung, Pathian thawn kan biakawknak pawl cu hlo ter ih zum nak khal a mal ter vivo.

Lungto tam nak leiram

          Leilungtha mal te lawng a um ih lungto a tam nak leipar ih a tla mi Pathian ih tongkam pom nak cu a dang zawng in kan sim a si le Pathian tongkam cohlan nak a si. Thingkung fate cu zamrang ten a tthang ko nan a hram pawl cu leilung ih a thuk nak ih a um lo ruangah rei lo te ah a  uai mei. Cu mi cu a tu kan tuar mi thinlung thatho nak pakhat a si. Leng lam lawng in a si ko nan Pathian tongkam a cohlang lo. Hi ti vek in a hmaisabik ih hnaihnok nak pawl cu tha mal mi zum nak a zup ter vek in lungto lak ih a tla mi thinlung fate vek in a uai theu.

Hling lak ih a tla mi thlaici

          Kan nih cu Pathian ih tongkam cu hling lak ih a tla mi thlaici vek in kan cohlang. Hling kung ti mi cu thilri lam ih lian nak, hlawh tlin nak, leilung thawn pehpar mi thil ti vek pawl ti duh san mi a si. Cui dinhmun ah Pathian ih tongkam rah rah lo in a thi.

Rah a rah mi leitha

          Netabik ah cun Pathian ih tongkam cu a tha mi leiram vek in a cohlang. Hi hmun le ram ah thlaici cu a hram a hngetkhoh ih rah a rah zo. Hi tahthimnak cu Pathian in hmunkip ah thlaici a vorh. Kan mah kan zate cu Pathian tongkam ti mi thlaici a tlak nak leiram kan si. Kan mah ih duh nak thinlung kan neih a si le Pathian ih tongkam cu thlaici thang lian dingah a tuah sak ih tha  te ih ciin mi leiram tha kan si thei thu cu rel phah in a thu sim a cawl a si. Hi mi thuthang cu July 12, 2020 ah Vatican thuthang ih kan ngah mi a si.

https://bit.ly/3fzVWlG