Pathian kan hawl tikah kan hmaiah a um taktak maw. (November 27, 2021)

Pathian kan hawl tikah kan hmaiah a um taktak maw.

(November 27, 2021)

              "Pathian kan hawl tikah kan hmaiah a um taktak maw. Asilole kan dungah a um maw" tiin Swiss miphun Pathian thu lam ih mifim Hans Urs von Balthasor in Pathian thu thawn pehpar aw in thuk zet in ruat dingah thu a sut.

              Pathian riantuannak thawn pehpar in himi thu a suh nak a si. Khristian pawl dinhmun in Kohhran ih zirh vekin famkim zetin ziang kan tuah. Mai ti thei tawkin zuam in Gospel thuthangtha kan phuang maw.   

              Adventu zarhkhat nak zarh ni ih siar mi Lk 21: 5-28, 34-36 ah Bawi Jesuh le a dungthlun tu pawl ih thu simawk nakin kan thei thei. Bawi Jesuh in dungtluntu pawl hnen "ni netabik hrangah man cia in um dingah, ton dingmi ni hrang timtuah dingah" fiangzet in ralrinnak a pe. Cui ralrin peknak cu kannih khal thinphang, tih in in tuah. Cutivekin ziangruangah hivek thinphang nak Gospel cathianghlim kha tui kan thok mi Adventu zarhpi ni ah in siar ter tiin ruah asi ding. Himi Bible ca ah Bawi Jesuh a suah nak thu siar ih ruah a kaih sawn lo maw tiin khal ruah a si ding. Suh ding tlak a si.

              Himi Gospel cathianghlim cu kanmah pawl tangdornak in zirh. Kan theih lomi thil cang tampi a um. Kan nunnak ziang tik ni, ziangtik caan, ziang tin a cem ding ti kan thei lo. Curuangah a cang ding mi dinhmun tinkim thaizing hrang khal cohlang in nun ding. Theih lo mi pawl Goggle ah zaten theih a theih. Thil thar tuah rero nak fimnak leitlun vekin kan theih lomi pawl a sannak in pe thei tu a um timi na ruat dah maw.

              Bawi Jesuh in tangdor nak thinlung nei dingah in ko. Himi thinlung cu dungthluntu tlingtlak dingah tuah nak a si. Himi thinlung cu Bawi Jesuh zum a si thu le aveihnihnak a rak nak ding thu tettikhannak ih a thok a si. Himi cu a tlun ih simmi Pathian thu ih mifim thusuh nak hrang a san nak a si. Ziangruangahtile Pathian kha kan nunramah hmaisabik ah ret ding. Hivek ih tuah asile kan thar ringring ding.

              Tuikum Adventu caan hmaisabik zarhpi niah sual sir dingah, nun daan thin dingah in ko. Tangdor nak thinlung cu kan thanau nakin thei ter. Zumnak, ruahsannak, duhdawtnak pawlah feh vivo thei dingah kan ruahnak pawl Bawi Jesuh hnen kom ding. Bawi Jesuh cu a tlun in siseh, kiangkap in siseh a ra tu ding a si. Curuangah kanmah pawl cu,

- Mah le mah tangdor dingah na man maw.

- Kan nunram ih thilrit phur in feh dingah na man maw.

- Nunramah ton dingmi dinhmun zaten hrang kanmah ah a san nak zaten kan neih lo kha na thei maw.

              Bawinu vekin tangdor lawngah nunram thlengnak kan thok thei ding. Kan nunram dinhmun zate hrangah a sannak a um lo timi kha tangdor nak thinlung nei tu pawl in an cohlang thei. Bawi Jesuh cu tangdor nak thawn pehpar mi hmuhnak thar in pe ding. Kanmah pawl cu tlak bel kan siih, Bawi Jesuh in duhdawt nak thawn a rem mi pawl kan si. Tuini hrangah kanmah pawl thlacam in "Bawipa, tangdor theinak thluasuah in pe aw. Cutilawngah Bawipa neta veikhat thawm huham thawn na rat tikah kanmah pawl in Bawipa harsat na tuarnak, na thohsalnak kha thaten kan thei thei ding Bawipa.... Amen tiin thlacam uh si. Himi thuthang cu Vatican thuthang ihsin kan don mi a si.       

https://bit.ly/3cWbz78