Pathian thuthangtha phuannak hrang dicastery ih thlacamnak kum hrangih thu hrampi suah.(Febuary 21, 2024)

Pathian thuthangtha phuannak hrang dicastery ih thlacamnak kum hrangih thu hrampi suah.(Febuary 21, 2024)

          The Vatican’s Dicastery for Evangelization in 2025 Jubilee tuah dingin Pawlpi ih tim a tuah vekin, Christian pawl hrangah thlacam hruainak “Teach Us To Pray” ti mi ca uk a suah.

          Pathian thuthangtha phuannak hrang Vatican’s Dicastery in zumtu pawl hnenah, “Pathian thawn bulpaak dinhmun ih thureltlangnak thlacamnak” le zumnak ruat in tui san ih leilungpi ah teette khaan dingah thuthar a rak suah.

          Thulu cu Jubilee hrang Pawlpi ih timtuahnak hrangih bawmtu, Bawi Jesuh ih dungthluntu pawl hnenih zaangfah a dil nak St. Luke Gospel sungta lak mi a si.

          Pope Francis ih zirhnak in Teach Us To Pray sungih tel mi innsungsang le Parish ah thlacam ding tumtahnak pawl; mino pawl ih thlacamnak; pawlkom thlacamnak; Pathian thuzirhnak; thlarau lam zirhnak pawl le 2025 Jubilee hrang zumtu pawl ih thlacamnak ah thenkhat thawn a tel.

          Pope zungpi ih than vek a si le, Teach Us To Pray in midang pawl thawn pehtlaihawknak, Pathian thawn thureltlangnak ah famkim deuh ih um theinak hrangah thuruahnak pawl, lamhmuhnak pawl, le ruahnak pe dingah a timtuah.

          Italian tong thawn tuah mi Teach Us To Pray cu Dicastery for Evangelization website ah sumpai cem tul lo in download a theih. English, Spanish, Portugese, French, le Polish tong pawl thawn tuah mi pawl khal a ngah cing ding.

          Pope Francis in “zaangfah lainatnak caanserh ih nung dingah mah le mah timtuahnak ah nan thlacamnak pawl tuah sinsin dingah le Pathian ih ruahsannak ih thazaang tep dingah,” zumtu pawl a rak sum lai, Jan 21, Angelus thlacamnak sungah Jubilee hlan ih thlacamnak kum a rak than.

          Thlacamnak kum ih tumtahnak simfiang phah in, Pope in, tui kum cu “bulpak nunram, Pawlpi nunram le leilungpi ah thlacamnak hrangih tulsam mi le man nei zet mi hawl hmu dingah a tumtah thu” a rak sim.     

          Hi thuthang cu Vatican News ih kan ngah mi a si.