Pawlpi riantuantu in leitlunhuap Pathian hnatuan ni (World Mission Day 2020) lang ter nak a nei. October 16, 2020

Pawlpi riantuantu in leitlunhuap Pathian hnatuan ni (World Mission Day 2020) lang ter nak a nei. October 16, 2020

         Pawlpi in October 18 ni ah 94 kim ni World Misson Day tuah dingih a timlam vekin Pathian thuthangtha phuangtu Pawlpi le Pope thawn pehpar mi Mission pawlkom pawl in leilungtlun ih Pawlpi cangvaihnak a thupi thu an rak tarlang. October thla ah daan vekih an tuah theu vekin World Mission Day cu tui kum October 18 ah nemhnget nak an rak tuah. Kum kim ni cu thlacamnak tha pek nak, tuantlangnak le Mission hrangih bawmnak le Pawlpi ih a hngetkhoh mi Christian pawl, Baptism a ngah zo tu pawl zaten ralrin pek nak pawl an rak tuah.

Midang hnenih riantuannak

          Tui kum puai pawl thawn pehzom aw vivo in, Pathian thuthangtha phuangtu le Pope thawn pehpar mi zumnak lam ih pawlkom pawl (the Pontifical Mission Societies for the Propagation of the faith (PMS) in tlawngkai ninga ni ah the Holy See Press Office ih an rak tuah mi press thu  rel khawmnak ah an rak rel tlang. “Tui ni ah “Hi tawk ah ka um, I thlah aw” ti mi thuluu thawn October 18, Zarhpi ni, World Mission Day ih Pa Pa Pope Francis ih sim mi kan sim bet mi a si,” tiah Pathian thuthangtha phuangtu pawl ih Pawlpi ih Secretary, Archbishop Protase Rugambwa in a rak sim. “Hi thuthangtha in kan pumcawmnakah le tui san leilungpi ih Biakinn kan neih nakah mah bulpak pakhat ciar kha Pathian rawngbawlnak ah ziang tin harsatnak a tong ti kha tel in a sim,” tiah a sim bet.

         Archbishop Rugambwa in “siatsuahnak le hnaihnoknak a si mi long pakhat ah kan um tlang, ti-ih in mang ter tu harhdamnak harsatnak cang mi ih ton mi a si ko na-in Pawlpi hrangah hi puai cu lungnom nak ih a hrampi pakhat a si,” tiah a sim fiang. Curuangah Baptism la tu Christian pawl si nakin kan nih cu Pathian kawh nakih feh ding le nunram zate’i thlengnak le Gospel kan zum nakih pawlkom pawl lang ter dingah tuanvo kan nei.

 Hi thuthang cu 16 October 2020 ah Vatican thuthang ih kan ngah mi a si.

Photo courtesy of: Campo Grande News

https://bit.ly/3k5rySk

Pho - Vatican news