Phenomenon ti ih hmin nei mi Bawhlung leknak ih hminthang zet mi Ronaldo Nazario in a kum 46 ah Catholic zumnakah pakhat a si mi Baptism sang.

Phenomenon ti ih hmin nei mi Bawhlung leknak ih hminthang zet mi Ronaldo Nazario in a kum 46 ah Catholic zumnakah pakhat a si mi Baptism sang.

Tlawngkai nihnih ni (Sep 12, 2023) ah kum 46 asi mi Brazil le leitlun huap bawhlung lekthiam Ronaldo Luis Nazario da Lima hrangah a hleice mi ni sunglawi a siih a kum 46nakah a zumnak lam ke a karnakah a nunram ih a danglam mi Baptism a rak sang. St. Joseph Parish ah Jardim Europa vengih um mi caanserh theh ah Barazil team thawn veihnih rori a peh in chiampion a ngahtu Ronaldo Luis Nazario cu a  maihmuhton mi media ah a hlawm hnuah a nunnak ih a thupit thu a langter. Anunramah tui sun cu "a danglam hleice mi ni nikhat a si" tiah Baptism a san theh hnuah a sim.

Baptism ka sanghrih lo nan ka nauhak lai in Christian zumnak cu ka nunnakah a hrampi pakhat a si. Baptism ka sannak in Pathian ah a thar in ka suak sal tiah ka ruat tin Brazil ih bawhlunglek thiam hminthang a si mi Ronaldo in Sep 12, ah a mai Instagram ah a rak ngan.

Amai a sim mi ah a tha mi laamzin thlun dingah Bawi Jesuh ih duhdawtnak zum in a mai zaangfah duhdawtnak thawn keimai duhnak a si mi zohmanih forhfial lo mi duhnak ah feh dingah thukamnak ka tuah tiah a rak a sim. Amai massage ah a hlan bawhlunglek hminthang a si mi Barcelona, Real Madrid, Inter Milan le a dang team pawl hnen a mai Baptism laknakih a Luu kaitu Amilcar le Malu tel in zuk pawl a rak hlawm. Hi thuthang cu CNA thuthang in kan don mi a si.