Philippine ram uktu in mawh a phurh mi pawl thi dingih thupek mi cu Catholic Kawhhran upa pawl in an dodal (July 30, 2020)

Philippine ram uktu in mawh a phurh mi pawl thi dingih thupek mi cu Catholic Kawhhran upa pawl in an dodal

July 30,2020

Philippine ramuk tu Duterte cu daan thawn a kaih aw Io mi sii thawn pehpar mi, mi sual pawl thi dingih timi cu tuah sal dingin an zuam ih Catholic Kawhhran upa pawl in an dodal. CASP tiih kawh mi thi ding ih thupek nak cu a dodal tu pawlkom ih president asimi Fr.Silvino Borres in minung pawl cu Pathian ih hmuihmel kan siih, thi ding tlak sual a nei tu pawl nun sim dingah tuah loin zuam lo in thah nak cu sersiam tu hmuhsuam a si thu July thla ah a sim. Philipine ram cu misual ral pawl, rit theih thil tham pawl le a zuar tu pawl thi dingih thu pek nak cu 2006 ihsin an cawl. Asinan ramuktu Duterte cu July thla 27 ah cui upadi cu a thu pit sal. Amah cu hril awk nakih mee pek laiah Philippine ramih rit theih thilri ruangih buai nak fiangfai ter dingah tiin mipi pawl ih pom nak a ngah. Amah cu 2016 ihsin thokin rit theih thil hman nak do nak a thok ih rit theih thil hmang tu pawl, a zuar tu pawl thah ding, a burbur ih thah nak a tuah. Ram tinkim daan thu pawl thawn a kaih awk lo ruangah Catholic kawhhran pawl le ramtinkim in an dodal. 

Human right  pawl in minung thawng hra luan thah an tuar thu a sim. Philipine ram Catholic Bishop pawlkom khal in "thuhman zirh lo ih thah nak cu a hman mi tuah daan asilo thu" an than ih a thi tu minung tampi hrangah thuhman hawl dingah an than. Himi thuthang cu CNA thuthang ihsin kan ngah mi a si. 

https://bit.ly/39XNris