Philippine ramih cangvai tu hrekkhat pawl in Lungmeihol cetzung sak nak dodar. September 04, 2020

Philippine ramih cangvai tu hrekkhat pawl in Lungmeihol cetzung sak nak dodar.

September 04, 2020

Ramih power Electric tulsamnak ih zirin Cozahin Lungmeihol cetzung saknak pawl a on sak. A sinan thingkung kiangkap kilhimnak pawl kom pawl in kiangkap a siatsuah thei mi Lungmeihol thawn tuah mi cetzung saknak cawl dingah Cetzung sak nak ding Philippine Diocese  Quezon ah pumkhawm aw in duhphorhnak an nei.

Lucena ih Arch Bishop  Mel Rey Uy in Siangbawi 100 lenglo in lungkimnak lethmat an htut mi Cetzung saknak ding lungkim lo nak ca pakhat a rak sim. Hi ti vekih lungkim lonak cu Quezon sung lawng si lo in ram sungih sak ding mi Carbon Electric Power saknak tumtah mi dodalnak ih an tum mi a si thu a sim. Ramsungih minung tamzet pawl kom pawl khal Quenzon ramthenah an tuah mi Lungmeihol saknak tumtah mi par ih lungkim lo nak duh phorhnak ah an tel thu an sim.

Kan dung kum 30 lai khalah Philippine Bishop pawlkom pawl khalin kiangkap kilhimnak ding thuthawn pehpar aw in ca tam pi an rak tuah dah. 2019 July 16 ih an suah mi a vei riat nak le a neta bik ca an suahnakah Diocese ih pawl kom dangdang khal in farah harsa pawl le Leilungpi ih tahnak ngai in, nikhua siatsuah ter mi thilti nak mal dingah tuan tlang dingin forhfialnak an nei. Catholic pawl kom pawl khal cetzung saknak hngtuan nak, leilung sung um mi phorhnak hnatuan pawl le thil siatsuah thei mi hnatuannak pawl tuahnak pawl mal ter dingah forhfial nak an rak nei.

https://bit.ly/2EYN786