Philippine thlanglam ah Catholic Puithiam pakhat meithal thawn thah tuar January 26, 2021

Philippine thlanglam ah Catholic Puithiam pakhat meithal thawn thah tuar

January 26, 2021

            Philippine ram cu Asia continent ah Catholic Khristian a tam bik mi ram a si. Asinan tuletu Puithiam pawl kaih an tuar thu, cui hmun le ram ih a um tu Siangbawi pawl meithal thawn thah tuar nak thuthang pawl khal kan thei. A tu khalah Philippine thlanglam Malaybalay Diocese ih Puithiam pakhat Fr.Rene regalado cu January 24 zanlam ah meithla thawn thah a tuar. Amah cu Carmel Monastery Puithiam pakhat asiih, a mai ram biakinnpi ah thurelkhawm nak ih feh ding ah zanlam ah a thleng. Thurelkhawm nak theh ah a um nak St.John XXIII college a feh lai zan nazi 7 ah thil cang mi a si.

            Himi thu hi zingzoi rero lai a si. Puithiam ih taksa cu motor thawn meter 3 hlat nak ah hmuh a siih, a mit ah hriam hma pawl hmuh a si. An thah nak ih an hman mi meithal khal cui thil can nak ah an ret. Kiangkap ralkap pawl ih an ziangzoi nak vekin Puithiam cu an kah an that hlan ah an thawi ih an vel ciamco ding tiiin zum a um tiin an sim. A mah thawn a pehpar aw mi upa pawl khal in Puithiam ih thlarau hrangah thlacam sak dingah le thuhman a zamrang thei bik in zingzoi thei dingah thlacam sak dingah thlacam nak  thawn dilsak ti lo cu a tu caan ah zianghman ti theih a si hrih lo. Himi thuthang cu RVA thuthang ihsin kan ngah mi a si.

Photo courtesy of: Father Rene Regalado (Video grab from video of Kathy Jean Demol Concepcion)

https://bit.ly/2YjnyVi