Philippines Archbishop cu upat tlak 'venerable' dinhmun ah Pope in khaisang. (May 21, 2022)

Philippines Archbishop cu upat tlak 'venerable' dinhmun ah Pope in khaisang.

(May 21, 2022)

              Philippines ram Cebu khuapi ih Archbishop Teofilo Bastide Camomot cu mithianghlim cannakah upat tlak dinhmun tiin khaisang dingah Pope in lungkim pi nak a nei zo. Pathian ah a ral tha mi a riantuan tu buaih hlan a si thu langter dingah Pope in Vatican mithianghlim khaisangnak zung council ih upa Cardinal Marcello hnen May 21 ah tuan vo a pek.

              Venerable upattlak dinhmun timi cu man a nei zet mi nunram kha raltha zet ih a nung tu pawl thawn an nunram hlan in an nung ih a thi zo tu pawl Pope in a hmaisabik dinhmun in a pek mi buaih a si. Blessed si dingah Comomot cu mangbangza pakhat langter dingah a tul ih netabik Mithianghlim ih khaisang ding khal ah mangbangza a dang pakhat langter dingah a tul. A thi zo tu Archbishop Teofilo comomot cu Carcar, Cebu khuapi ah 1914 march 3 ah a suak ih 1941 December 15 ah Puithiam sinak  a ngah. Archbishop Jose Cuenco of Jaro a bawm tu tiin hmin pek asiih 1955 March 26 ah Bishop sinak caanserh cu Cebu khuapi Cathedral ah tuah a rak si. cuihnu kum 3 a rei 1985 June 10 ah Archbishop a cang.      

              Amah in Bawi Jesuh Thi le Sa saramentu ih a pathumnak Carmelite pawlkom cu Misamis ah 1959 November ah a din ih cui kaing cu netaah Santa Thresa Sister kaing ah a cang. Cagayen de Oro ah kum 12 a um hnu Cebu ah a kir sal ih Archbishop ihsin a cawl ih 1988 September 27 ah mawtaw cangsualnak ruangah a kum 74 ah anun nak a cem. Bishop cu anundam lai ah a thianhlimnak ruangah mi theih tam asiih, a langsar mi langter tu cu zuk thilri neih mi parah at cih nak a neih lo nak le mi farh pawl par a pek awk nak a si tiin Cebu Archdiocese ih suah mi ah alang.

              Ricardo Cardinal Bishop Vidal hna a tuan lai sung 2010 December 27 ah Bishop Theofilo Camomot cu Mithianghlim khaisan nak le Blessed khaisannak hna tuan pawl cu Archdiocese sung a hmaisabik tiin a phuan thu, Mithianghlim khai sannak pawlkom ih lam hmuhnak thawn Bishop Teofilo Comomot ih a nunak le a mawi mi a um tlan daan a famkim tu tiin a lar mi Pathian riantuan tu cu cutawk ih Archdiocese sungah langter dingah Archbishop Jose Palma in tuah thei nak a pek.

              Tuah daan a phunphun cu 2016 January 5 ihsin 2017 March 2 tiang an tuah thok ih Bishop le taksa lam ih a hmu tu mi 45 kha tong in thu an sut. Mithianghlim khaisan nak tuanvo nei pawlkom khal in pehpar nak a nei mi Diocese ih an suah mi hnatuan pawl ih thudik cu 2015 November 19 ah an pek nak a si.

              Bishop Camomot ih a thianghlim mi nuntlandaan cu "the Positio" hminsin mi hrilnak pawlkom ah 2020 ah an thun lut thu, Theological lam ruahnak petu mi 9 thawn phuan mi pawlkom in Camomot ih ralthat nak pawl parah an lungkim thu cu 2021 October 21 ah lungrual ten an pom. Hivek ih thu tam pi cu thunei tu Pope Francis hnen an kuat hnu May 21 2022 ah Cardinal Semeraro ih a hnget mi thu pawl thawn Pope in a pom ih Mithianghlim khaisan nak pawlkom ih thu botcat mi pom theinak a pek.

              A rah suakah himi thu cu mitampi hnen than dingah le Mithianghlim khaisan nak tuanvo nei tu pawlkom ih hmuh dingah Pope in a sim. Hminsin mi caan sung Bishop Comomot cu Bishop San Lorenzo ruiz de Manila le San Pedro Culungsod (mi pahnih mimenmen an si) cumi hnu Philippines ram ih a pathumnak Mithianghlim a si ding. Himi thuthang cu RVA ihsin kan don mi a si.

https://bit.ly/3MLxu1b