Philippines Biakinn ah minung zuarih sumdawnnak dodal nakin an ram in thlacamnak tuah

philippines_ah_minung_zuarnak_dodal_nak_tuah

Philippines Biakinn ah minung zuarih sumdawnnak dodal nakin an ram in thlacamnak tuah

           CBCP vice president Bishop Mylo Hubert Vergara in February 5 zarhte ni ih ahmaisabik rammi pawl thlacamnak (NDPAHT) in a hoha ih minung zuar ih sumpai hawl nak dodal in Catholic mi pawl kom khawm in a tui buainak do dingih cangvaihnak dingah a si.

           Bishop pawl in February thla ih hmaisabik zarhpi cu an ram pi thlacam ni le Catholic mi pawl pumkhawm in buainak do dingah cangvaihnak tiin an plenary assembly ah an rak pom. NDPAHT Missa raithawinak cu CBCP kom aw khawm in minung zuar ih sumtuahnak (CCAHT) do kalhnak cu Quezon khuapi EDSA Shrine ah an tuah.

           Vergara in Catholic pawl hrangah a thabik mi tuanvo cu mi pawl hrang thlacam dingah a hleice in ramdang hnatuan tu Philippines mi pawl hmuhsuam le tisiat a tuar mi pawl hrang thlacam sak dingah a si. Zarhpi ni Missa raithawinak ah "kan thlarau thawn Bawi Jesuh hnenah minung zuar tuar pawl, harsat tuar pawl bawm dingah le tuah mawh tu pawl khal Pathian in rong tong in an thinlung thleng dingah dil dingah" a sim.

           Bishop Vergara in Christian pawl cu minung pawl hmuhsuam nak pawl dodal nak ah phur zet ih cangvai ding kan si tiin a sim. Kanmah pawl cu kan Philippines ulenau pawl thawn pehtlaih ding kan si, kan minung covo le Christian sinak hawl aw ding kan si asinan cui sinak pawl cu a tu ah hringhro asi tiin Bishop in a sim.

           Missa raithawinak thehah Puithiam in phayawngtai vannak le harsat tuar pawl thlacam nak a hoha. 2018 ihsin Global Slavery Index in mi 784,000 pawl cu Philippines ih modern slavery tiin an um. Nisuahnak thlanglam Asia khal online sexual exploitation of Children (OSES) ih a tambik an si ve tiin International Justice Mission (IJM) in an sim.

           2020 ah 1.2 M cu OSEC thu ah Inter Agency council Against Trafficking (IACAT) ah thu an rak sim zo ih 2019 ah 265% lai a thang. Kum 12 tang nauhak pawl cu a tamsawn in thuhla theih ter mi an si. CCAHT in NDPAHT thurelkhawmnak in raltha mi pawlkom dingah an beisei ih nauhak, nunau, innsang upat in kilhim ding ah an sim.

           Marcos Administration hnen khalah kan mipi pawl kilkhawi ringring dingah an thei ter. CCAHT cu CBCP commissions in phuan mi asiih an zung pawl cu Pastoral Care ih Episcopal commission mivai pawl le a tawivak rero mi pawl ngaihsak dingah a si. Himi thuthang cu RVA thuthang ihsin kan don mi a si.

https://bit.ly/3I2xYjw

Add new comment

1 + 3 =