Philippines Bishop in mino pawl hnen ah mai hrang lawnglawng ruahnak hnong in bom tul mi pawl ngaihsak dingah sim.

Philippines Bishop in mino pawl hnen ah mai hrang lawnglawng ruahnak hnong in bom tul mi pawl ngaihsak dingah sim.

         CBCP mino pawlkom ih chairman Bishop Rex Andrew Alarcon in leitlun mino pawl ni (NYD) ah mino pawl hnen ih asimmi cu mah hrang lawnglawng thil ruat loin midang bawm a tul mi pawl ngaihsak dingah a sim. A thusim nak cu December 12 Our Lady of Guadalupe puai ni, December 9-15 an ram ih mino pawl ni ah a rak sim.

          Mah le mah lawng theih awknak, ngaihsak nak sup tlang uh si. Mai nunnak hrang lawng ah kan si lo. Midang kan bawmnak a tul mi pawl kan zoh pei” tiin Bishop Alarcon in a sim. Bishop ih a simnak vekin, Bawinu Mary cun a sungkhat Elizabeth tong dingah a khul a fung lo, St. Paul ih simmi ah a tlaitluang mi duhdawt nak thawn, a hman lo mi hnong nak le a tha mi cohlang in khat le khat duhdawt aw in, mino pawl in thil tha tuah nak karhzai ter a tul thu a sim.

          “Zangfahnak le thiltha zamrang ten kan tuah pei. Hnem nak le a tul mi pawl bomnak, thudik a ngah lo tu pawl zamrang ten bawm in, kan pawlkom ah thil tha kan din loihli pei” tiin a sim.  A sual timi hmuhin a sual mi zamrang ten rem dingah, hmun hla pi um le hnon mi pawl hnen thleng dingah  tuan tlang dingah le mi bawm dingah a forhfia. “Kan pawlkom thei dingah, mission hnatuannak ah tuanvo pawl hlawm aw dingah le Pathian sunlawinak phuang nak pawl zamrang ten tuah dingah a sim.

          CBCP in NYD cu 1986 ah an rak thok ih mino pawl in an ralthat nak le thil dang tampi tuah dingah a si. Himi cu rampi ih Diocese pawl in Msa de Gallo asilole Simbang Gabi ih ni hmaisabik nak December 16 ah an tuah dingih, Himi cu kum hnih veikhat rammi pawl khawm awk nak mang sal nak khal a si. NYD rampi pawlkom awknak cu 2019 ah Cebu Archdiocese ah netabik an tuah. 2021 ah Caceres Archdiocese in hoha dingih timi asinan pulhnat ruangah an thluh. “Himi NYD kan tuah nak in, kan thlacamnak le mi zate hrang kan duh mi cu kanmah in run dingah a ra tu Bawi Jesuh kha tong dingah timtuah nak, kan thinlung ih umnak le thlarau thawn ruat tha dingah asi” tiin Alarcon in a sim. Himi thuthang cu RVA thuthang ihsin kan don mi a si.

https://bit.ly/3FudUEk