Philippines Bishop in Puithiam pawl hnenah “sumpai, leitlun thilri pawl le thuneihnak ih sal cang dingah on aw hlah uh” tiah sim.

Philippines Bishop in Puithiam pawl hnenah “sumpai, leitlun thilri pawl le thuneihnak ih sal cang dingah on aw hlah uh” tiah sim.

          Tandag ih Bishop Raul Dael in Puithiam thar pathum, Glendelmark Orillaneda, dennis Rey Ortohjan, le Johnrey Orzales pawl hnenah an pumcawmnak ah leitlun sumsaw pawl hnak in Pathian rinsan dingah a rak sim. ‘Sumsaw, leitlun thilri pawl le thuneihnak ih sal cang dingah on aw hlah uh. Tlaitluangnak thawn Pathian hawlnak ah ngaih sak ringring uh’ tiah Bishop Dael in sahriak culhnak Missa Sumnak ih a thusim mi ah a rak sim.

          Biaknak lam hotu in Puithiam pawl ih ministry cu tumpi a si lo nan tlaitluang mi tidaan thawn tuah a tul tiah ralrinnak a rak pek. “Khuate hngilh dah hlah uh. Tangdor mi nan hramthoknak pawl hngilh hlah uh. Bulpaak ih ton mi pawl le tangdor mi nan hramthoknak ah ningzak hlah uh,” tiah a rak sim.“Khuate ihsin an au aw pawl, thinatnak pawl, thla phannak pawl nan thei thei dingih an mah thawn nan tongaw ding” tiah a rak sim bet. Bishop in Puithiam thar pawl hnenah “mipi pawl in dungthluntu hna an tuan nakih tuan tlang thei ringring dingah ti ruahsan in Pope Francis ih synodality hrang a kawhnak ruat dingah” zaangfah a rak dil.

          Bishop Dael ih sim vek a si le ‘a tlaitluang mi, thawmvang um lo nak le bulpaak ih ton mi pawl a um nak Bawi Jesuih pawlkom ah an laksawng hlawmnak cu Puithiam pawl hrangah thathnemnak a um ding’ ti a si. “Minung pawl ih tlaitluannak hmuh theinak khua ihsin tlan hlah uh” tiah a rak sim bet. “Minung pawl in vei tampi in ngai lo; Ziangah tile an mah thawn ahlatnak ah kan um,” tiah a rak sim.“Khuate hngilh hlah uh; Tlaitluang ten um uh Thawmvang nei lo ten nan tikcu caan hmang uhla Pathian le a minung pawl thawn bulpaak ih hmuhton mi pawl sawmdawl uh,” tiah a rak telh.

          Tandag Diocese cu Mindanao hmun, Caraga ih Surigao del Sur civil province ah a um. 4,552.2 square kilometer kau mi Surigao del Sur cu Mindanao tipi kap le nisuahnak lam Philippines hmaiton in a um. Tandag Diocese cu June 16, 1978 ah a n rak din ih Surigao Diocese ih din mi a si. 1978, Nov 7 ah Surigao del Sur province ih khualipi, Tandag ah Diocese an rak din bet.

          Pacific tinfinriat hmaiton ih um mi, Mindano nisuahnak lam tipikap ih a hrek hrawng cu province ah a um. Leitlunhaup ih thukbik mi tifinriat a si mi Philippines tipithuanthum ihsin peng hlat nawn ah a um.

          Hi thuthang cu RVA thuthang ih kan ngah mi a si.

https://bit.ly/3YkfZvb