Philippines Catholic Bishop pawl in Nobel suh (Nobel Price) ngah tu Maria Ressa an sunloih October 12, 2021

Philippines Catholic Bishop pawl in Nobel suh (Nobel Price) ngah tu Maria Ressa an sunloih

October 12, 2021

            Maria Ressa cu Philippines President Duterte cozah ah daan loin thah a tuar tu mipi thawng tampi ih cazin pawl rak tarlangtu a si. Cumi thuhla pawl hman le dikzetin a lang ter thei ruangah October 8 ah Philippines-America thuthang la tu Maria Ressa  le Russia editor Dmitry Muratov tei pahnih cu Nobel suh an pe ding. Thuthang la tu Nobel suh peknak cu kum 85 sungah a veikhat nak a si. Anmah pawl cu "zalen zetih sim rel thei nak" hrang dung sip loin thuthan tu pawl tiin sunloih nak a si.

            Maria Ressa a tuvekih sunloih asinak ruangah Philippines Catholic Bishop pawl pawlkom in an sunloih. Amah cu a hmaisabik Nobel suh (Nobel Price) ngah tu Philippines miphun a si. Amah cu a tu Philippines President sinak a ngah hnuah daan loih thah a tuar tu mipi tampi ih cazin kha tih loin a la thei tu a si nak khal Bishop pawl in an sunloih.

            Bishop pawl ih sunloihnak thuthannak sungah "rampi ih a pali nak thuhla par bun aw in a tik cu le caanih  a cang mi hman ten a lang ter thei nak, san ih tul mi, dil mi pawl khal ral tha zetih lehrul nak, pehbet in lehrulh ding asi ih kanmah (Philippines Catholic Bishop pawl pawlkom) dinhmun in Maria Ressa le a dang zohthim tlak pawlkom sung tel upa pawl hnen an lungawi thu an sim.

            Himi a thupi mi theih pit nak cu Philippines miphun hrangah a hmaisabik asi thu, kan miphun ih ruah nak, thazang asi ter ding tiin ruahsan a si thu, hitivekin thuthang zalen zetih sim thei dingah, , thu tha le thu dik lang vivo thei ding tiin an sim.

            Philippines ram cu President Duterte thuneihnak a ngahnak 2016 hnu thuthang hnatuantu pawl hrangah a him lo mi hmun pakhat a si. A tu Nobel suh ngahtu hnen khal thuthang hman lo asi thu, CIA hnen ngah mi thu hman lo thuthang pawl a si thu thawn Philippines ih a tu President in a dodal. Thuthang hnatuan pawl cu nunau tha lo pawl ih fate pawl an si ti tiangin simnak, thah loihli ding mi pawl an si tiin hringhro nak tong thawn khal a rak sim.

            Tuikum ah Nobel suh ngahtu cu fimthiamnak daan a pahbal tiin mawhpuh a tuar ih Manila thuthennak zungah thuthennak a tuar ih cumi thuthawn kum 6 le thla 6 thawng thlak a si. Himi hrem nak cu ram tin minung covo pawl kom le minung ih covo zohhliah tu pawlkom, ramri khiah nak umlomi thuthang la tu pawlkomih simsiat nak a tong. Nobel suh pek asinak thu thawn pehpar aw in Philippines President cu ziang vek hminsinnak hman a tuah hrih lo. Asinan President zung ahcun a tuvekin Philippiens ram mi pakhat Noble suhpek a si ruangah an lungawi thu an sim zo. Himi thuthang cu Aleteia thuthang ihsin kan don mi a si.

https://bit.ly/3vfp36j