Philippines Catholic Pawlpi in May 30 cu Kawlram hrangah a hleice in thla cam nak ni tiin an nemhnget May 27, 2021

Philippines Catholic Pawlpi in May 30 cu Kawlram hrangah a hleice in thla cam nak ni tiin an nemhnget

May 27, 2021

             Philippines Catholic Bishop pawl, pawlkom in Circular No. 21-35 ih an suah mi ah a ra lai ding mi May 30, Bawi Pathum Pathian pakhat puai pi ni cu Philippines ramsung ih Catholic Cathedral Biakinnpi pawl, Biakinn pawl zate ah tuah ding mi Missa raithawinak zaten Kawlram le harsat a tuar tu mipi pawl zate hrangah siseh, Myanmar Catholic Pawlpi hrangah siseh a hleice ih thlacam sak ding a si thu an sim.

            Philippines Catholic Bishop pawl pawlkom ih president Davao ih Archbishop Romulo G. Ballas, D.D in Cardinal Charles Bo hnen ihsin tu bai te ah Kawlram Catholic Biakinn thenkhat ih a um tu pawl hriamhrei thawn kah tuar nak le harsat tuar tu mipi zaten nat an tuar thu, thlacamsak dingah CBCP ih a kuat mi ca a rak ngah thu, Philippines Catholic Pawlpi in Kawlram hrangah mang sak in thlacam sak tlang dingah le Cardinal ih ca ruangah a hleice mi caanserh kha zamrang thei bik in tuah in a tu bek in Kawlram hrangah thlacam nak ni tiin an nemhnget.

            Tuahmawhnak pawl zamrang thei bik in cawl thlang seh. Zamrang thei bik in remdaihnak um hram seh. Khristianpawl a bawm tu Bawinu kan mah hrangah thla in cam sak aw. Kan mai kiangah um hram aw tiah thlacam phah in Bishop in ca a suah mi a cem ter.

https://bit.ly/3bZBLhd