Philippines diocese in apawknak nunram sunloihni (Consecrated Life Day) le kum 500 kim Jubilee kharnak tuah.

Philippines diocese in apawknak nunram sunloihni (Consecrated Life Day) le kum 500 kim Jubilee kharnak tuah.

Bishop Roberto Gaa in Bawi Jesuh Biakinn sungih apnak puai le apawknak nunram sunloihni ih Missa sumnak cu Feb 2 ah Novaliches Diocese ih Good Shepherd Cathedral ah a rak tuah.

Philippines ih Novaliches Diocese ah apawknak nunram sunloihni le Philippines ram ih Christian Biaknak a thlen kum 500 kim Jubilee puai cu Feb 2 ah an rak tuah.

Novaliches Diocese ih Bishop Roberto Orendain Gaa in nunphung pawlkom ih thianhlimnak ziangsiar loin mi raltha pawl tiih sunloih lo caan hman ah Pathian ih kawhnak ngahtu ap aw tu zate hnenah a sunloihnak a rak langter.

Bishop in, “mi vansia pawl, a tul taktak mi pawl hrangah apawknak nunram ah nanmah le nanmah hlan aw uh,” tiah tha a rak pek.

Leitlunhuap ih apawknak nunram sunloih ni cu Bawi Jesuh Biakinn sungih apnak puai ah Catholic pawl in Feb 2 ah an rak tuah.

Bishop in apawknak nunram ih pumcawmnak harsat daan thu khal a rak sim.

“Member thar pawl ngah a har tuk. Kan member pawl an upa deuhdeuh thlang. Cule zohman an lut paih lo a bang. Kan thla a ring thlang,” tiah a rak sim.

Bishop in Pathian in an tulsam mi zaten a bawm ding. Ziangah tile Pathian ih mission an tuan rero tiah hngetkhoh zet in a rak sim.

Bishop Gaa in ziaza le rong a phunphun in an hruk konan Pathian ih mission pakhat lawng a um tiah a rak sim.

“Curuangah hi mipi ih mission ah pakhat le pakhat hrangah thlacam sak awk kan tul. Zuamawknak a si lo. Mipi ih mission pakhat a si ve,” tiah a rak thangphawk hai.

Bishop ih thuthangtha a sim theh hnu ah, apawtu zate in phayawngtaing van mi pawl kennak thawn an zumnak lam thukamnak pawl an rak tuah sal.

Novaliches Diocese, Good Shepherd Cathedral ih Parish Puithiam, Vicar General Msgr. Antonio E. Labiao Jr. in apawtu pawl hnenah Biaknak lam Puithiam pawl nan thupituk tin an thei. Ziangah tile Pathian ih thuthangtha phuannak ah kan rinsan mi pawl nan si,” tiah a rak lawm.

BPS Sisters tit la ih mi theih tam zet mi Philippines ih the Sisters of  Charity of Our Lady of Good and Perpetual Succor hotu, Sr. Marie Ingkie Veloz Taboclaon in a hrangah cun caanserh cu duhdawtnak puai pakhat a si tiah RVA ah a rak sim. Cu mi cu duhdawtnak mal zet mi leitlun ah a ngaingai ah an mah neh thei tu Pathian ih duhdawtnak huham a si.

“Kan mai Biakthawinak a thar ih tuahsalnak cu ziang tin Pathian ih duhdan in feh in le tui ni hrang lawngah si loin kan hawl ding tiin in thangphawk sal. Asinan, kan nunram ah Bawi Jesuh a thupibik. Cu lawngah ka nundaan vekin leitlun ah thuthangtha ka phuang thei ding,” tiah Philippines ih BPS hotu in a rak sim bet.

The Catholic-hierarchy ih tarlang vek a si le Novaliches Diocese ah Puithiam 232, zumtu mipa 537, le zumtu nunau 224 an um tiin 2019 ih tarlang vekin theih a si.

Apawknak nunram sunloihni hrang Missa Sumnak theh ah, Philippines ih Christian umnak kum 500 kim Jubilee kharnak puai an rak hmang.

2021 ah, Philippines ih Christian thlennak kum 500 kim Jubilee onnak an rak tuah. Asinan, covid 19 ruangah a rak rei deuh.

“Jubilee saangkaa onnak cu thuk zet in tikcu caan le hmun pe dingah lole Pathian ih zaangfah lainatnak kan hnenih in thangharh dingah a si. Jubilee saangkaa na on tikah, kan hrangih on mi Pathian ih zaangfahnak taktak a si. Kum 500 kim puaini ah Pathian ih rintlak sinak kan co. Asinan, sual nei mi pawl kan si lai ah a mah thawn kan pehtlaihnak in tuah ontu Pathian ih zaangfah lainatnak khal a si,” tiah Bishop Gaa in a rak sim.

Bishop in Jubilee saangkaa kharnak hi Pathian ih zaangfah lainatnak kharnak ti duhsan a si lo tiah hngetkhoh zet in a rak sim.

“Tu ahcun buulpaak in le pawlkom dinhmun in Pathian ih zaangfah lainatnak ih saangkaa pawl ah kan cang thei. Jubilee saangkaa kan khar ruangah Pathian ih zaangfah lainatnak cu kan hrangah khar tinak a si lo. Ziangah tile Pathian ih zaangfah lainatnak kan tep ngah zo,” tiah a rak langsar ter.

Hruaitu in, “Pathian zaangfahnak ih mawtaw pawl ah a cui zaangfahnak cohlangtu dinhmun in kan cang zo. Curuangah Jubilee saangkaa khar a si hman ah Pathian ih zaangfah lainatnak kan tuah bet vivo a tul.

Hi thuthang cu RVA thuthang ih kan ngah mi a si.

https://bit.ly/3JLBIao