Philippines ih Pathian thusimtu nunram ih riantuan tu America Jesuit missionary Nov 28 ah nunnak cem

Philippines ih Pathian thusimtu nunram ih riantuan tu America Jesuit missionary Nov 28 ah nunnak cem

December 4, 2022

            Jesuit Puithiam Fr.Joseph L.Roche cu Philippines ram Quezon city ih Jesuit health le wellness center ah a nunnak a cem. Philippines ih society of Jesus ih communique ih an simnak vekin Puithiam cu kum 94 asi tiin an sim. Kan dung zarh ah a harhdam nak in an beidong pit ih lungnat khal an rak nei. A ruak vui nak cu Loyola Heights, Loyola inn cazirnak, St.Ignatius biakinn ah an tuah. Vui nak Missa cu December 2 ah an tuah ih, Sacred Heart Novitiate ih cemetery ah an phum. Fr. Roche cu 1928, June 14 ah New York ih Brookyn ah a rak suak. 1945 September 7 ah Society of Jesus ah a lut ih 1958 June 21 ah Puithiam cannak a ngah.

            1949 lai ih Ateneo de Cagayan sanah ram dangah fimthiamnak a rak zir ih, Ateneo de Manila phunsangtlawng ih Philosophy le Theology department pawl, Loyola tlawng ih Theology le Nu pawlpi ih biaknak lam nunphung ih fimzirh dingah Philippines ah a tlung.

            Ateneo ih collage tlawngta le tlawng theh zo mi pawl khal fim a rak zirh. Amah cu mi tlaitlung le mi fim zet a si. 1979 ah formation Institute for Religion Educators (FIRE) a rak din ih buaih ngah zo tu pawl in biak nak lam tlawng saya pawl le Philippines society ih kohhran ih Pathian thu simtu saya pawl in an tlawngta pawl thaten fimzirh thei dingah tuanvo pawl thei dingah a si.

            Himi master program cu Pathian thusim tu saya pawl le biaknak lam saya pawl a tha deuh mi fim nak thawn bawm nak ding ah a si. Himi program ih tumtah mi cu nisuahnak lam Timor tel in Asia ih Catholic, Philippines ah Pathian thu le Catholic zumnak khaisang dingah a si. A tlawngta pawl le alumni zate hrang amah cu biaknak lam fimzirh nak le theology lam a thupit daan rak zum tu mi fim zet saya a si. A tlawngta pawl hnenah a tha bik in zuam dingah le tui lai saya tampi hnenah ca an zirh nak ah thinsau ten thu thaten a ruat thiam tu lamzin tha hmuh tu si dingah a rak zirh.

            1997 lai ah Filipino Catholic ih Pathian thusimtu saya pawl umnak ding, 1985 le 2007 ah Philippines ih National Catechetical Directory hrang pawl le cutivekin Philippines ih Pathian thusimnak nunram ah bawmnak tampi a pe. Pope Benedict XVI in 2006 laiah "ProEcclesia et Pontifice" "Kohhran hrang le Pope hrang" a hnatuan nak a rak theih pi. Himi cu kohhran hrang Puithiam le mi menmen laksawng a pek nak a si. Amah cu Bawi Jesuh thawn mi tampi pawlkom dingah thazang rak suah tu a si. Himi thuthang cu RVA thuthang ihsin kan don mi a si.

https://bit.ly/3gXfyX3