Philippines ih St.Elizabeth ih Franciscan fanu pawl in mi harsa pawl harhdamnak lam an tuamhlawmnak kum 25 kim hminsinnak tuah. (November 29, 2022)

Philippines ih St.Elizabeth ih Franciscan fanu pawl in mi harsa pawl harhdamnak lam an tuamhlawmnak kum 25 kim hminsinnak tuah.

(November 29, 2022)

            St. Elizabeth Franciscan fanu pawl FSE in November 29 ah Philippines ih mi harsa pawl harhdamnak an tuamhlawm nak kum 25 a kim. Novaliches ih Bishop Emeritus Teodoro C. Bacani in “hnatuan tha nan tuan rero” tiin lungawi thusimnak Missa raithawinakih thuthangtha a simnak ah FSE Sister pawl a lawm ih “hnatuan tha nan tuannak kum 25 a si zo” tiin a lawm.

            FSE sister pawl cu Cardinal Jaime Sin ih dilnak in 1997 ah Philippines ram Quezon khuapi Kimco khua ah lamzin ih vakvai nauhak pawl “harhdamnak kilkhawinak” hrang an rak din. Congregation ih Superior general Mother Paola Yucra Solano in FSE Sister pawl hnen ah “pehbet in a bang mi kan thukam lak mi, duhdawtnak le Gospel thuthangtha hrang hlan mi pawl thawn a liam zo mi kum 25 ih rak tuah mi vekin feh tlang dingah” a forhfial.

            Bolivian doctor Sr.Paola (atuih Mother General), a dang Sister nurse Sr. Leonia Chini tei in “Health and Care” timi project thawn mi harsa nu pawl nau neih nak le mi harsa pawl siivai a lak ih bawmnak cu hlawhtling ten an tuah thei. Kum malte a rei hnuah FSE sister pawl in Italy le Philippines ih a hlu tu pawl ih bom nak thawn siikhan fate an phuan. Himi siikhan ih siivai thilri pawl thawn mi harsa nu pawl bawm in naute tampi  an suah zo. FSE sister pawl in 2003, March 3 ah “thianghlim vancungmi atha mi Samaritan” siikhan an phuan.

            Himi siikhan in mi farah pawl hrang a lak in zoh fel awknak le a tul mi check nak an bawm ih Italy ih Florence Diocese ih bom mi mina phur nak mawtaw thawn siizung ah an feh pi theu. Bible ih in sim mi a tha mi Samaritan vekin siikhan ih mi besia deuh pawl cu siizungah tuamhlawmnak an pe. Good Samaritan” siikhan ihsin mi harsa mi le Kohhran mi pawl an cohlang. Himi ihsin Florentine Puithiam le a rualpi pawl thawn bom tul mi inn sang hrang rawl le a tul mi pawl an bawm. Philippines ih FSE sister pawl kum 25 kim Jubilee cu mifarah pawl aiawh in Pathian thatnak lungawi thusimnak le hmailam ah a rian lungawi ten tuan nak ding hrang hlan nak a si.

            2005 ah Manila ih Claretian Puithiam pawl ih bomnak thawn FSE sister pawl in International Formation Center an rak tuah thok. Manila ih International Formation Center cu Asia ih mino te sister pawl ih mission hnatuannak hrang le Italy, Holy Land le Latin America pawl ih an pawlkom ih a dang mission cangvaihnak hrang a si.

            1888 ah Italy ram Fiesoole diocese ih khua fate ah Francesca Casci in Casalino Congregation a rak din. Himi Congregation sungtel pawl cu Franciscan nunram asimi thuruahnak, riantuannak le mina pawl, mino, hnon tuar nauhak, nu pawl nei lo le bom tul mi pawl bomnak thawn an nung. An mi bomnak nunram cu Pathian hnen an hlon ih bom a tul mi pawl le hnon tuar pawl an bawm. Congregation cu Bolivia, India, Italy, Indonesia, Israel, Philippines le Vietnam diocese pawl ah an um. Himi thuthang cu RVA thuthang ihsin kan don mi a si.

https://bit.ly/3UotUx4