Philippines le Korea Bishop pawl pawlkom in nunnak cem tu Pope Benedict XVI hrang riahsiat nak an lang ter.

Philippines le Korea Bishop pawl pawlkom in nunnak cem tu Pope Benedict XVI hrang riahsiat nak an lang ter.

January 2, 2022

          December 31 ah Philippines le Korea Bishop pawl pawlkom pawl in Pope Benedict XVI ih nunnak cem nak ruangah an riahsiat nak an lang ter. Philippines Catholic Bishop pawl pawlkom (CBCP) president Kalookan ih Bishop Pablo Virgilio S.David in December 31 ah Pope Benedict a nunnak a cem nak ih riahsiat nak an lang ter.

          Bishop David in "Pope Francis hi zangfahnak le lungawinak ih Pope tiih kan ti ding a sile Pope Benedict cu farah zonzai pawl bawm tu Pope tiin ti a si ding. Deus Caritas Est (God is love) timi thuluu thawn theology lam in rian tuan a rak thok. CBCP president in Pope Benedict cu theilogy, Catechist le awn mawi lam ih thaim zet asi tiin a sim.

          "A liam zo mi kum pawl ah a nunram cu mah te pak in le thuruahnak, leitlun ih kohhran pawl bomnak le a thlacam nak thawn Pope Francis a um pi thu" tiin a sim. Bishop David in Pope Benedict XVI a sunloih ih Pathian hnen ah a thlarau cawl dingah thla a cam sak." "A nunram sungah a remdai zet mi thucah le ahleice thlacam in Missa raithawinak ruangah" Bishop in lungawi thu a sim.

          CBCP president in Pope Benedict an mang ringring ding, ahleice in Pope a rak hril tu Bishop pawl khal kan mang ding tiin a sim. Pope Benedict XVI in Bishop David cu 2006 july ah Bishop tiin a rak khaisang. "Bawipa, Pope Benedict XVI, Joseph Razinger ih thalrau na tang sungah cawl ter aw. Kumkhua tleunak a parah tleu ter aw. Remdaihnak pe hram aw. Amen" tin Bishop in thla a cam.

          Manila Archdiocese ih Cardinal Jose Advincula in December 31 ah Manila Cathedral ih kumthar Missa a tuah hlan ah Pope Benedict XVI hrang thlacamnak a hoha. Manila Cathedral Christ the King chapel cu Pope Benedict hrang thlacam a duh tu pawl hrang an ong.

          Korea Bishop pawl pawlkom (CBCK) in December 31 ah Pope Benedict XVI ih nunnak a cem nak ruangah a riahsiat nak a lang ter. CBCK president Bishop Matthias Lee Yong Hoon in zarhte ni ah "Korea mi pawl lungrualnak hrang Pope Benedict XVI ih thlacam saknak, innsang thenthek aw pawl kom sal nak le Korea missionary hrang zuamnak le mi menmen kohhran a tlawnnak pawl ruagnah Korea Bishop pawl in kan mang ringring ding" tiin a riahsiat nak a lang ter.

          2007 February 11 ih Korea president Roh Boo Hyun hnen Pope Benedict ih ngan mi cu "Kum 50 lai Korea mi pawl cu thenthek nak an tuar. Innsang pawl an thenthek aw, sungkhat pawl midang vekin an thenthek aw" tiin a ngan. Pehbet in Pope Benedict in "keimah cu thlarau lam in an tuar mi pawl naihniam tu ka si tiin thei hram uh. Pawlkom tampi pawl ih buainak felfai ter dingah thla ka cam" tiin a ngan.

          CBCK president in Korea Bishop pawl le zumtu zate in Pope Benedict XVI cu a thlarau nuam ten um in Pathian tang ah hahdam ten cawl dingah thla an cam sak thu a sim bet. Seoul Archdiocese ih Archbishop Peter Chung Soon taick in January 4, 5:30PM ah Myeongdong Cathedral ah Pope hngilhlo nak Missa a hoha ding. Himi thuthang cu RVA thuthang ihsin kan don mi a si.

    https://bit.ly/3ImiPKw