Philippines Pawlpi in “Red Wednesday” cu Nov 23 ah tuah. November 22, 2022

Philippines Pawlpi in “Red Wednesday” cu Nov 23 ah tuah.

(November 22, 2022)

          Philippines ram ih Aid to the Church in Need (ACN) in Philippines ram, Rizal ih Our Lady of Peace and Good Voyage Antipolo Cathedral ih kum tin tuah theu mi “Red Wednesday” ah rampi sungih Christian zaten tel cio dingin an rak sawm. “Mitin in Jesuh Khrih an zumnak ruangih hremnak an tuar rero nak leitlun ah hin Christian pawl dinpi in thla kan cam saknak ah an tel” tiah ACN Philippines ih officer, Msgr. Gerardo Santos in a rak sim.

          Tui kum ih thu hram pi, cu ‘hremnak a tuartu pawl cu mi thlasuah an si’ ti mi thawn ‘Red Wednesday’ ni ah ACN in an zumnak ruangih hremnak a tuar tu Christian pawl sunsak in thlacam saknak an thok. Msgr. Gerardo Santos in “a can thei le Biakinn pawl, tlawng inn pawl le pawlkom pawl ih telnak lole a sen thawn cei mawi seh la” tiah a rak sim. ACN cu Philippines ih pakhat tel in leitlunhuap ih um mi zung 23 thawn hremnak tuar rero tu Christian pawl hrangah Pope ih charity a si.

          Tuahmawhnak le tihphannak a umnak hmun ah, ACN in Jesuh Khrih zumtu pawl le mi zaangfah thiam tu pawl lakah Christian le thlarau lam pehtlaihnak khaisang dingah mission ih kawhnak cu hmuihmel lam in a tuah sak” tiah Santos in a rak sim bet. Philippines ih the Catholic Bishops’ Conference (CBCP) in ‘Red Wednesday’ cu January thla, 2020 ah Pawlpi ih caanserh an rak tuah.

          ACN cu hremnak tuartu, namnehnak lole thilri lam ih bomnak tul tu Christian pawl bawmtu ram tinkim thawn pehpar mi Catholic charity a si. Bulpaak ih bawmtu pawl ih tirhsiannak in hi mi a cannak a si. ACN in mipi, acozah lole Pawlpi ih sumpai a ngah lo thu hngetkhoh zet in a sim. ACN ih leitlunhuap ih Christian zaten theih tul mi pawl simnak, an mai hrang thlacam saknak le cangvaihnak pawl thawn a bawm.

          Hi thuthang cu RVA ih kan don mi a si.

https://bit.ly/3UZtvlP