Philippines ram ih vei 28 nak National Shrine ah St. John Paul II sunloih.

Philippines ram ih vei 28 nak National Shrine ah St. John Paul II sunloih.

          St. John Paul II hrang tumtah mi Parish Biakinn le Shrine cu Bataan ramthen, Hermosa khuapi ah 2023, April 01 ah Philippines ram ah vei 28 nak national shrine ah a rak cang. The Catholic Bishop’s conference of the Philippines (CBCP) ih President, Bishop Pablo Vigilio David in mipi a rak hoha ih Manila Archdiocese ih Cardinal Jose Advincula, Bishop pawl, le Puithiam pawl khal an rak tel.

          Mipi theih in an than hnu ah, Biakinn cu “Natioanal Shrine and Parish of St. John Paul II” tiah an ko ding. Cardinal Advincula in mipi pawl ih Pathian thawn tonawknak ah an hmuhton mi cu ‘khat le khat a dik mi tonawknak ih hruaiawk a tul’ tiah thupit in a rak sim.

          “Bawi Jesuih ngah mi mah le mah tanawk mi duhdawtnak hlawm aw in le kan unau pawl thawn hi national shrine ah tong aw uhsi” tiah Advincula in a rak sim. Cui hleiah, Bishop David in, “hi mi hi inn pakhat men a si lo; Bawi Jesuih taksa ruangpi a si,” tiah David in a rak sim.

          Jan 29, 2023 ih tuah mi tonawknak ah Bishop pawl in Poland ram ih pakhat lawng a si mi diocesan shrine cu national dinhmun pakhat ih khaisang dingih dilnak ca an rak nemhnget. Pope St. John Paul II in 1981 ah Philippines ram a veikhatnak a rak tlawng lai ah Morong khuapi ih a tlan mi Vietnam, Laos, le Cambodia ram ih mi harsa 400,000 hrangah Missa sumnak a rak tuah.

          Bataan-Pampanga kiangih khuate, Culis ah khawmzawthu pawl feh sinsin thei dingah a langsar mi shrine pakhat khal an rak sak. Papal nuncio le mi harsa pawl ih puithiam Archbishop Charles Brown in Feb 21, 2022 ah Pope ih vei 40 nak khualtlawnnak mansalnak ah Mass raithawinak a rak hoha.

          St. John sirhsan ih tuah mi parish le diocese shrine umnak Hermosa cu Bataan province ah a um. Bataan cu Central Luxon ih thlanglam nitlaknak ah a um. Cu mi cu Philippines ram ih khualipi, Manila ihsin kilometer 139.4 a hla. Hi thuthang cu RVA thuthang ih kan ngah mi a si.

https://bit.ly/40ORHuk