Philippines ram, Manila Archdiocese hrangah Archbishop thar an ngah June 24, 2021

Philippines ram, Manila Archdiocese hrangah Archbishop thar an ngah

June 24, 2021

          Philippines ram, Manila Archdiocese hrangah Archbishop thar Cardinal Jose Advincula cu tuukhaal tuanvo ap nak le Manila Archbishop dinhmun in a mai hmaisabik nak Missa raithawinak cu June 24 ah a rak tuah. Manila Archdiocese hrangah tuukhaal thar ngah dingah thla 16 sung an rak hngak ih cui caanserh cu Manila khuapi hlun, thuanthu sungtel saangka ah Manila khawbawi le khuapi hlun hotu pawl in an rak hmuak.

          Theih ter awk nak caanserh pawl theh ah Cardinal cu pulpit apnak caanserh hrangah Manila Cathedral Biakinn ah a rak feh.Cui Missa sumnak cu Manila Archdiocese sungih Puithiam pawl in an mai Archbishop thar hnenah thukamnak pawl an rak tuah mi cu a hlan ih Manila Archbishop a si mi Cardinal Rosales khal in Puithiam pawl thawn Archbishop that hnenih thukamnak ih a rak tel lai hmuh hi thinlung a nuam ter tu pakhat a si tiin Manila Cathedral ih facebook cahmai ah a rak tarlang.Cardinal Gaudencio Rosales cu tu ah cun Lipa khuapi ih a cawl rero tu Cardinal pakhat khal a si.

          Hi thuthang cu the Manila Cathedral ih kan don mi a si.

https://bit.ly/3zNK7mx