Philippines ram Manila Cardinal Luis Antonio Tagle tuanvo thar la dingah Rome khuapi ah a thawn

Philippines ram Manila Cardinal Luis Antonio Tagle tuanvo thar la dingah Rome khuapi ah a thawn

Febuary 9, 2020

Philippines ram Manila Cardinal Luis Antonio Tagle cu kan dungzarh pi (9.2.2020) ni ah amai tuanvo neih mi tanta in a tui a tuanvo thar tuan dingah Rome khuapi ah a feh zo a si. Propaganda Fide ti tu hlan an rak kawh mi a tuah cun thuthangtha karhzai nak thawn pehpar aw mi Pope zungpiah Cardinal Tagle in tuanvo a la ding asi.

Neta bik Missa raithawi nak a tuah nakah a maihrangah thla in cam sak uh la kei khal cun thla ka lo camsak ding tin Manila ih a  tuu rual (a fa le pawl) hnenah thlacam nak a dil ta a si.

A tuah cun Manila Cardinal hrangah Pope Francis hril sak ding hngak in thla za an cam laitak a si. Cardinal a rinsan tu pawl khalin lunglengin Cardinal hrangah thla an cam sak thu an mai FB ciarah an tarlangih cibai an buk thu an tarlang bet asi.

Credit: https://bit.ly/2HfEvYa