Philippines ram thlanglam ih Cagayan ih unau 3 hmunkhat ten kumkhua Siangbawi cannak thukam nak la

Philippines ram thlanglam ih Cagayan ih unau 3 hmunkhat ten kumkhua Siangbawi cannak thukam nak la

            "Nang cu kumkhua Siangbawi na si." Congratulations Avenido Brothers! Kawh nak timi cu a danglam zet. Bawinu suahni September 8 ah Philippines ram thlanglam ih Cagayan ih unau 3 tei khal a danglam zet mi kawhnak thlun phah in hmunkhat ten kumkhua Siangbawi cannak an la. An hmin netabik Evanido a si ruangah anmah pawl cu Evenido Brothers Evenido unau pawl tiin khawh an si. Siangbawi cannak cu mah rori a hmu tu Missa sum nak ah Puithiam pawl a bawm tu (တရားေထာက္)pakhat in an unau pawl sunloih an tlak thu a sim.

            Unau thum te ih hmin cu Jessie James Avenido, Jestonie Avenido le Jerson Rey Avenido an si. Anmah pawl cu Cagayan de Oro city ih um mi St. Augustine Cathedral biakinn pi ah Siangbawi sinak an ngah ih online ihsin live an thlah. Kawh kan si nak cu nulepa ih thlacam sak nak, zuam zet ih hnatuan nak le duhdawt nak thawn nunsim ih lamhmuh nak pawl ruangah atuvekin a rah dinhmun in kawh kan si nak a si tiin an sim. Zo ih fial nak hman tel loin hi lamzin zalen le lungawi ten an hril.

            Veikhat veihnih ah nulepa pawl ih fale pawl kawh nak ngah dingin an duh lo cing in fial nak khal a um. A si. Siangbawi, Sister, Brother kawh nak a tha. Asinan a dang a tha mi innsang le saya (hnatuan thiam zet mi) Pathian ih kawhnak khal a um a si lo maw. Cutiin nulepa ih fial cop mi pawl cu Siangbawi, Sister an si tikah zalen zet ih an hril thei nak a si lo ruangah theih lo sung tein khuavel sinak lam ah suah duh nak thinlung tuletu a um thei.

            Thenkhat cu Pathian riantuan nak sung an luh a rei zo ih an kum khal a nauhak nawn lo ruangah nuam an ti lomi nunram ihsin suak dingah harsat nak a um theu. Cutivek ih a um tu pawl sungah an nulepa an thih ruangah Pathian riantuan nak ihsin a suak tu pawl khal hmuh an si. Curuangah Pathian ih kawh nak zalen zetih hril ding kha a thupi zet.

            Unau thum tei ih pa cu lo thlo le humhim nak hnatuan tu asiih an nu cu inn ah a tul mi pawl tuan phah in a fale pawl a kilkhawi. An pa cun, we did not come from a rich family bui we are very rich in our love for the Lord and his Church, "Kanmah cu milian kan si lo. Asinan kanmah pawl cu Bawi Jesuh le a Kohhran hrangah a lian zet mi duhdawt nak kannei" tiin tetti khannak in a hlawm. Kannih teh cuvek duhdawt nak kannei maw. Kan duhdawt nak midang hrangah le Pathian ih hrangah ziang tin ka hmang ding, cutivek pawl ruat phah in a tul mi thluasuah pawl dil tlang uh si.

Ref: CAN, https://bit.ly/3jZiEZd