PM Narendra Modi in Easter puai ni ah India ram, Delhi ih Sacred Heart Cathedral Church ah tlawng.

PM Narendra Modi in Easter puai ni ah India ram, Delhi ih Sacred Heart Cathedral Church ah tlawng.

          Prime Minister Narendra Modi in April 09, Easter Sunday ah mipum mal mi mipi pawl a sawmdawlnak langter dingah New Delhi ih Sacred Heart Cathedral Church ah a rak tlawng. Sacred Heart Cathedral ih parish Priest, Fr. Francis Swaminathan in PM ih tlawnnak in mipum mal mi pawlkom pakhat an si vekin Christian thuhla a sunsaknak a langter thu a rak sim.

          “Cu mi in mipum mal mi hrangah a bawmnak a rak langter,” tiah a rak sim ih, “hi mi hi mipum mal mi pawlkom pawl le kan mah thinlung takih sunsaknak prime minister hnenih kan ngah mi message a si,” tiah a rak sim bet. Puithiam in a tlawnnak in mipum mal mi pawlkom pawl cu ram ih a bang aw mi ram mipi pawl an sinak a langter tiah a rak simfiang.

          “Prime minister ih tlawnnak in mipum mal mi Christian pawl a bawmnak langhngan ter a tulih an mah bawm an tul ih hi ram ih ram mipi pawl thawn ban bangawknak theihsak a tul,” tiah a rak simfiang. Puithiam in a tlawnnak ruangih an lungnomnak a rak langter ih cu mi cu prime minister in Pawlpi a veikhatnak a rak tlawnnak a si. Puithiam in Christian pawl hnenah acozah hrang thlacam sak dingah a rak forh.

          “A hrangah thla kan cam sakih zaanlam hrawngih in rat lawn vekin Pawlpi hrangih thla in cam sak ve dingah khal thla kan cam,” tiin Puithiam in a rak sim. “Nazi 1:30 hrawng Pawlpi ah a caan a rak hmang ih cu mi theh in thingkung a rak phun.” A tlawn theh hnu ah, prime ministerin, “a cuang ce mi ni, Easter puai ni, tuini ah hin, Delhi ih Sacred Heart Cathedral ih tlawng caantha ka rak ngah. Christian pawlkom ih thlarau lam hruaitu pawl khal ka rak tong,” tiin a twitter ah a rak tarlang.

          Sacred Heart Cathedral cu Delhi ih Connaught Place ah a um. Hi mi Biakinn hi hlanlai ih Biakinn pawl sungin pakhat a si ve. Pope John Paul II in Pawlpi veihnih a rak tlawng dah: Feb 01, 1986, ah le Nov 06, 1999 ah a rak tlawng. Tui tikcu caan ah, Asia ih Pawlpi thuhla synodal apostolic forhnak a tarlang mi “Ecclesia in Asia,” timi khal a rak suah. Thinglamtah parih a thih hnu Bawi Jesuih a thawhsalnak ni sunglawi, Easter Sunday cu Christian thuanthu ah Bawi Jesuih nehhnak thupit mi a si.

          Hi thuthang cu RVA thuthang ih kan ngah mi a si.  https://bit.ly/3ZPMbpH