Poland Catholic Kohhran Belarus ramri ih um mi mi harsa pawl hrangah a hlu paisa khuan ding November 9, 2021

Poland Catholic Kohhran Belarus ramri ih um mi mi harsa pawl hrangah a hlu paisa khuan ding

November 9, 2021

              Polan ram Catholic Bishop pawl pawlkom ih President asimi Archbishop Stanislaw Gadecki cu a ralai dingmi November 21 ah Polan ram sungih Catholic Biakinn pawl ah Belarus ramri ih a um tu mi harsa pawl bom dingah a hlu paisa khawng dingah zangfah a dil thu November 5 ah a sim. Harsat tuar pawl cu Polan le Belarus ram hnih karlak peng 250 hlat nakah an um. Himi khuan mi sumpai pawl cu Polan Caritas hnen pe in, cui harsat tuar pawl ih tul mi pawl le Polan ram ih malte sung a um tu ding harsat tuar pawl hrang hman ding a si. Polan ram cu Europe ih a laifannak asiih, rampi ih mipum tan 38 an um. Ramri kilhimnak hrangah ralkap pawl an thlah. Cui harsat tuar pawl a tamsawn cu nisuah nak a laifan nak ah an um.

              Belarus cu himi harsat tuar pawl a tuvekin dinhmun si dingah an tuah tiin Europe President le Neto pawlkom pawl in mawh an puh. Asinan Belarus ram President in a el. Ram mipum tan 9.5 lawng a um mi Belarus ram cu Europe President ih sumdawn nak phih a si nak lehrul sal nakin a tu vekin buainak tuah asi tiin Polan ram ih tuanvo nei tu pawl in an sim. Harsat tuar mi 4000 tiang an um thu, America dinhmun in khal a tui dinhmun ah an thin phang thu, Polan ram ih karuna hnatuan cu a tumbik pawlkom asimi Caritas Polan dinhmun in mi harsa pawl hrang puan pawl, tidai pawl, taksa hrang sii tha asi mi rawl pawl, kuthruk pawl ret mi pawl cu mi harsa pawl hnen kuat a si. A diah tuknak ruangah mi harsa pawl a thi khal an thi. Polan ram ih a ra tu mi harsa pawl cu Belarus cozah in lut khuan an pek lo. Polan cozah dinhmun in a ra tu mi harsa pawl an cohlang thei lo. Zangfah nak thinlung, Pathian ih mithmai zoh in cohlang a si.

              Polan nitlaknak lam ih Poznan Archbishop khal in mi harsa pawl bom dingah a forhfial. Pawlpi ih a hleice hnatuan cu Gospel thuthangtha phuang dingah, mi khual pawl ei ding pe dingah, ziangvek dinhmun ruang khalah siseh thleidannak tuah loin Samaritan mi tha pa vekin bom a tul tu pawl bom dingah a si thu khal Bishop in a sim. Nisuah nak Polan ramri ih remdiahnak hrang thlacam sak cio uh. Cutivekin cutawk hmun ih a um tu mi harsa pawl, cutawk ih um tu pawl, ramri kilhim nak hnatuan pawl, ramkhel lam pawl le Belarus mipi pawl hrangah thlacamsak uh tiin Bishop in a sim. Himi thuthang cu CNA thuthang ihsin kan don mi a si.  

https://bit.ly/3c5cGRJ