Poland ram ih Catholic puai ah mino 22,000 in remdaihnak hrang thlacam. (June 06, 2022)

Poland ram ih Catholic puai ah mino 22,000 in remdaihnak hrang thlacam.

(June 06, 2022)

          Penticost puai zikteah Poland le Ukraine ram ih mino 22,000 cu vei 26 nak, Lednica 2000 thurel tlangnak ah an rak tel.  Pope Francis in June 04, mino pawl puai hlan te ah a tel tu mipi pawl hnenah ca a rak kuat. June 01 ih mipi pawl thu a sim nak ah Pope in “tui ni ah daihnak le duhdawtnak hrampi a si mi Jesuh thianghlim thinlung ih hlannak thla kan thok tiah a sim. “Hi duhdawtnak kengin Bawi Jesuih Thinlung ih a luang mi thatnak le zaangfah lainatnak teette khaannak thawn leitlun deng tiang keng uh,” tiah a rak sim.

          Poland nitlaknak a lai ih um Lednickie Fields ih kumtin thureltlannak cu 1997 ihsin an rak tuah thok. Hi thureltlangnak rak thok tu Dominican Puithiam, Fr. Jan Gora cu 2015 ah a rak thi. Tui kum thureltlangnak ih tuanvo neitu, Fr. Tomasz Nowak, O.P in “Lednica ih thil danglam cu mino pakhat ih tul sam mi zaten thinlung thakhohnak, thathawhnak, leh lamnak le hlasaknak pawl a um thei ko nan cu vek caan ah thlacamnak, Missa sumnak le sualthlahnak pawl tuah a tul” tiah a rak sim. Mino pawl in caan malte sung thu hman le duhdawtnak pawl zuamnak thawn cekaw ih kumkhua rinsan theih mi duhdawtnak an hawl rero.”

          Ukraine ih a cang rero mi ralbuainak ruangah tui kum  thureltlangnak ah mi harsa pawl an rak sawm. “Kan mah sungih mi tampi in ralbuainak ihsin a tlan rero mi nauhak pawl thawn kan beuthlaam a si mi kan nu le pawl in in hruai. An mah cu innsungsang vekin kan hmuak. Curuangah Ukraine ih remdaihnak hrangah mangbangza pawl hrangah hi tawk ah Ukraine ram mipi pawl thawn thlacam tlang tla kan duh” tiah Nowak in a rak sim. Cui tonawk khawmnak ah nunphung pawlkom le pawlkom a phunphun, Neocatechumenate, the Catholic Youth Association, Dominican pawlkom pawl, Poland ih um Pawlpi sungih pawlkom ih mino pawl zate tluk in an rak tel. An zaten um tlang an duh ih khat le khat an um tlang ruangah an lunghmui zet” tiah Puithiam in a sim.

          “Ram hrangih a thupit biknak hmun a si mi Lednica thurel tlangnak pawl cu hlanlai zingzoitu mifim pawl ih ism vek a si le AD 966 ah Poland a rak um thok.” Hi mi cu kan mah ih hrampi a si ih curuangah Penticost hlan ah Thiang Thlarau Pathian cu kan hnenah a tum ih thianghlim sahriak in culh ih Bawi Jesuh Baptism a lak lai ih a tuah vek in in thlah ve ruangah kumtin thla kan cam nak san asi.

          Nowak in a sim bet mi cu thureltlangnak ih thupibik cu Bawipai Thi le Sa a si ih Christian pawl ih hminsinnak a si mi nga pakhat pianhmang le uan tlak zet mi dinnak a si mi veithumnak kum 1000 sung saangkapi kan pahsuak thei. Hi catlang cu Jesuh Khrih dungthlun dingah ralthatnak um mi hrilnak hminsinnak a si ti a si.

          “Asinan, tu le tu sim vekin mino pawl hrangah cun Thianghlim Sacrament upatnak caan hi an hrangah a thupibik mi a si. Bawi Jesuh thawn mipi 20,000 hmai ah mah pakhat lawng dai tenumnak hi hngilh theih lo caan te a si. Hi thuthang cu   CNA thuthang ih kan ngah mi a si.

https://bit.ly/3mqBskp