Pope Benedict Britain ih Britain a tlawnnak thu thawn ruah sal nak Cardinal Nichols in sim September 17, 2020

Pope Benedict Britain ih Britain a tlawnnak thu thawn ruah sal nak Cardinal Nichols in sim

September 17, 2020

            Westminster ih Archbishop Cardinal Vincent Nichols in tui zarh sungih a thleng mi a cawl zo tu Pope Benedict XVI Britain ih a tlawn nak kum 10 kim nak ah a sim. A liam zo mi kum 10, 2010 kum Sep 16 ihsin 19 tiang Pope Benedict cu Britain ram cu tuu khal khual tlan nakin a rak tlawmg. Pope ih ni li sung a khual tlawn nak ihsin thil tampi ah that nak tampi a cang ter thu Cardinal in a sim.

            Pope cu Canterbury Cathedral ah a thleng ih cumi ih Archbishop thawn an hmuh awk tlang nak cu sinak a cohlang mi Pope John Paul ih keneh vek asiih, hlanlai nat nak pawl dam ter nak hminsin nak tiin hmuh a si thu, cuihleiah Vauxhall ih St. Peter inn cu kum upa pawl karlakah zangzet ih to nak, Westminster hall ah thu nei tu pawl, mino pawl, biak nak lam upa pawl thawn thu rel khawm nak a um thu Pope ih khual tlan nak a cem nak ah hotu pakhat in Pope cu minung zate ih duhbik mi pu tiin a sunloih thu man a si.

            Pope Benedict cu a hmuh ton mi mi zate thawn tlaitlung zet ih pehpar tu a si thu, Pope Benedict cu mi tlaitluang mi, mi fimthiam, tuu khal tha a si tiin sim phah in a thu sim a cawl tiin Vatican thuthang ihsin kan ngah mi a si.

https://bit.ly/3hBpsaY