Pope Benedict in Germany ih a dam lo mi a U hnenah a leng. June 18, 2020

Pope Benedict in Germany ih a dam lo mi a U hnenah a leng.

June 18, 2020

          Pope si nakin a cawl zo tu Pope Benedict hleiruk nak in a dam lo tu a upa George hnen tong dingah Germany ram ah a feh. Pope in Archbishop- Ganswein le tuanvo nei tu pawl le harhdam nak hnatuan pawl in thawn a thlun.

          Kum 96 a si zo mi Pope Benedict ih U cu nasa zet ih a dam lo thu, Pope cu Regensberg Diocese pawl khal in unau pahnih ih tonawk nak cu upat nak thawn mipi tonawk nak um lo dingah an than cio tiin a sim.

          A U ih harhdam nak par ih zir in Pope cu a um hrih ding tiin Vatican thuthang ih Director Madiro Bruni in a sim.

          Kumthum lawng a dang aw ih suak mi Ratzinger unau pahnih cu an ngai naa aw tuk ih Freising Cathedral ah 1951 kum, June 29 sun ah hmunkhat ah Siangbawi cannak an la nan, an thiam dan an bang aw lo ih a U George Ratzinger cu awnmawi lam ah a thiam ih Joseph Ratzinger cu Pathian lam ah a thiam hlei mi a si.

Asinan, an mah pawl cu nai aw ringring in duhdawt nak an neih nak cu, “ka nunramah  ka u cu rualpi lawng si lo in rinsan thei mi, lam in hmuh tu khal a si,” tiin a cawl zo tu Pope Benedict hleiruk nak in a u par ih a neih mi ruah nak a sim mi cu Vatican thuthang in kan thei a si.

https://bit.ly/3dn0oCd