Pope Benedict XVI cu Catholic Pawlpi zirhnak ih pa (Father of Catechism of the Catholic Church) a si.

Pope Benedict XVI cu Catholic Pawlpi zirhnak ih pa (Father of Catechism of the Catholic Church) a si.

          1992 ih suah mi Catholic Pawlpi ih zirhmi zate cauk (1992 catechism of the Catholic Church, a compendium of Catholic doctrine for our own times) kil that nak ah Pope Benedict XVI ih dinhmun cu Viana Archbishop asimi Austria Cardinal Christoph Schonborn in a ling let zawng in a sim. Catholic Pawlpi ih zirh mi – Catechism of the Catholic Church cu Pope Benedict XVI ih a sunglawi zet mi rothil ihsin pakhat a si. Council of Trent – Pawlpi thurelkhawmnak vek siloin Vatican council II theh ah Vatican II ih zirh mi Catechism of the council ah suah sal mi a um lo khatlam in sim ding asile Pawlpi thurelkhawmnak pawl ih capi suahmi pawl ah Pawlpi ih zirh mi tiin ti a theih.

          Asinan Vatican council II theh kum 20 a rei ah Catholic mipi pawl cu a bang aw loin zum nak an nei timi hmuh a si. 1985 ah Bishop pawl thurelkhawmnak 1985 synod of Bishops theh ah Pope hnen thu pek mi a um ih cui an dil mi sung ihsin pakhat cu Vatican council II ih thu zirh mi pawl kom in suah dingah a si. Bishop pawl ih dil mi cu compendium timi a suah. Cumi cu theten program tuah mi asi hrih lo. Vatican council II theh ah tuah mi cu a hman lo. Cardinal Razinger (Pope Benedict XVI) cu 1983 ah Lyon khuapi le Parish pawl ah "Pawlpi zirh mi a um lo nak ih thutawi (the Crisis catechesis) hmin in thurelkhawmnak pawl a tuah ih cuvekih dinhmun tha lo pawl a sim fiang. Cutiin Cardinal Razinger ih thurel mi cu leilungpi in an rong thei.

          Catholic zumnak zirhnak ah Catechism a um lo ruangah thubuai a um nak lawng siloin pawlpi zirh mi a thar in a tuah sal thei nak program thawn thaten ruahnak a pe. A cem nak 1966 ih suah mi Rome catechismus thawn pehpar in pawlpi zirh nak ah el awk nak um loin nu pawlpi ih zumnak mawi ten tuah thei nak a hmuh.  A hman ahcun theology thawn pehpar mi el awk nak controversy a tam zet mi tuisan ah Pawlpi ih zumnak ah elawknak tel loin, tuah nak thawn tuan suak nak cu pawlpi dinhmunin a zirh nak a si. Lyon khuapi le Paris khuapi ih tuah mi Cardinal Razinger ih congress ruangah Bishop synod ih upa pawl in Pope Jhon Paul II hnen tuisan hrang Pawlpi zirh mi ngan dingah an forhfial. 1986 ah Pope Jhon Paul II cu Bishop pawl thurelkhawmnak dil mi thaten tuah nak pawl a rong um. Pawlpi zirh mi ngan that nak tumtahnak hrang a kaih bik mi Cardinal Razinger cu Pope Paul II in tuanvo a pek nak cu mangbangza ciamco asi lo.

          Catechism ngan that dingah Cardinal, Bishop 12 tel in commission an tuah ih a Cardinal Razinger in a hoha. Cardinal Razinger cu cui commission thawn Pawlpi zirhnak Catechism ah kum 6 rei caan lain a tuah thei. Diocesan 7 ih Bishop pawl tel nak thu relcat nak pawlkom an dinih cui caan ah kei cu secretary tuanvo ka la. Cui hnatuan tuan taktak dingah Cardinal Razinger ih thiti thei nak pawl thei dingah a thupi.

          Cardinal Razinger ih lamhmuhnak, thlarau lam ruah daan le thinlung thazang pawl in phur zet in a tel. A thupi bik cu Cardinal Razinger amah rori catechism zum in a pom mi a si. Zirhnak a phunphun a suainak hrang din mi commission thok nak hmaisabik ni ah himi pawlkom nasa zet in an relkhawm. Leitlun killi ih a bang aw lomi nunphung le zumnak thu pawl ruangah leitlun ih Catholic ih zirhnak pakhat lawng tiin ngan in ngah le ngah lo ding thaten an relkhawm. Cardinal Razinger in cun cui cauk lawng ngan thei dingah a cang ding tiin a ruah vekiin an tuah thei nak khal an lang ter.

          Catholic zumnak ah lungrual ih hmunkhat ten umnak a siih, then aw loin hmun khat mi Catholic zumnak langter nak ah hmunkhat ten tuan asile a cang thei tin Cardinal Razinger in a zum. Cutiih theihthaim nak in Cardinal Razinger cu an tumtah mi a tuan thok. Cardinal Razinger ih aveihnihnak bomnak cu cui catechism din dingah asiih cui mi cu cui caan ah Catholic pawl ih zangruh tiin pom mi ahleice then pawl a si. Cumi khal Cardinal Razinger lawngin thaten a rak tuah. Catechism ih thuhla pali cu a tanglam vekin a si.

          Pakhat nak ah zumnak 12 (creed) asiih cumi cu kohhran a thok ihsin pawlpi ih hrampi zumnak pawl a si. Pahnihnak cu saramentu thu a siih saramentu pawl cu Pathian ih thluasuah pawl kan nunram ah a lut ter tu tawh pawl an si. Pathum nak ah thukham 10 asiih cumicu a hlawhtling mi nunram nei dingah lamhmuh tu pawl a si. Pali nak ah thalcam nak zate ih cemnak asimi vancung ummi kan pa thlacam nak a si. Cumi pali in Catholic Pawlpi ih zumnak an lang ter.

          Cardinal Razinger ih a pathumnak langsar ih a tuan mi sim ding asile hi catechism a ngan dan pung san a si. Cui cauk ah thuhla pawl tuletu ngan bet mi a um lo vekin theology lam relkhawmnak khal lang ter bet a theih. Cui cauk ah Christian zumnak ih zihr mi fiang bik, theihthiam dingah a ol bik in ngan a si.

          Hi catechism cu theology tlawng pawl ah ret in rel dingmi asi lonan pom mi theology thu zate, theology a hram pi thu pawl zaten himi catechism ah komkhawm a si. Cumi cu depositon fedei tiin an ko. Cardinal Razinger hrang zumnak lam zirh mi pawl hmunkhat ten lang ter dingah a thupi tuk. Zumnak ah Theology ram thu buai bai te nak a silo, Christian zumnak ih mawinak mi pawl in ol ten thei thiam dingah ngan nak a si.

          Cardinal Razinger ih lam hmuhnak, pelh lo ih tha pek nak le thlarau lam ih pa bik vekin kai hruai thei nak ruangah cui catechism ngan nak ih a cemnak ah thaten an tuah thei ih cumi cu tuini thiltah nak vek, zumnak zirhnak hrang lamhmuhtu vek a si. Nu Catholic Pawlpi ih zirhnak cu theology mifim Joseph Razinger Pope Benedict XVI ih thu bot cat  nak ih ngah mi a si. Himi thuthang cu Vatican thuthang ihsin kan don mi a si.  

https://bit.ly/3ZbTicU