Pope Benedict XVI cu khuitawk ah an phum ding? January 3, 2023

Pope Benedict XVI cu khuitawk ah an phum ding?

January 3, 2023

          Himi thusuhnak cu phumnak ding hmun a um lo ruangah a si lo. Phumnak ding hmun a tam ruangah a si sawn. Asinan ahmaisabik Pope asimi St. Peter ihsin thokin Pope tampi cu St.Peter Basilica biakinn thuai ih ummi leitang thlan ah an rak phum. Pope Benedict XVI khal khui tawk ah an phumding timi cu mi pawl in an thei duh zet.

          Vatican dinhmun in Pope Benedict XVI cu Pope pawl phumnak thlan ah tlawngkai nili ah an phum ding thu an than zo. Phumnak ding thlan cu 2001 tiang St.John 23 phumnak hmun, 2011 tiang St.Jhon Paul II phumnak hmun ah phum a si ding. Himi leitang thlan cu St.Peter thlan thawn a nai bik ah a um.Pope Benedict XVI phumnak ding thlan cu Bawi nu le nauhak Jesuh harsat nak in an luat nak zuk suai mi a um. Thlan cu lungto thawn ser nak, dar pawl thawn ceimawi mi pawl in tuah loin Pope Paul VI vekin kua suangah phumin a par ah lungpheng thawn khar ding a si.

          Tlawngkai nili cu Pope Benedict XVI ih ruak upat nak pek thei nak ni netabik ni a si. Curuangah leitlun killi ihsin Pope Benedict XVI upatnak pe thei dingah a ra thleng tu khawmzawh pawl an rak hmuak. Thenkhat cu Christmas caan ah Rome ah an thlawng ih Vatican museum ah luh khuan ngah in a feh tu khal an um.

          Rome ih a thleng tu Irina Pereira timi in anmah dinhmun in Vatican ah feh vak dingah a thleng thu, asinan a tu caan ah Pope Benedict XVI ih nunnak cemnak thawn a deng aw ih dinhmun ziangtin a thleng ding ti a theih lo thu a sim. Cutivekin Juan Paul Ricatti khal in an umnak hotel ih tv in Pope ih nunnak a cemnak an thlah ringring ih a theih thu, thaisun lamah an ram an tlung idng thu, Basilica ah feh dingah an nei ih sunhnu ah Pope ih thuthangtha simmi an ngai thei le thei lo ding an zingzoi dingih Basilica biakinn sungah luh an khuan le khuan lo an theih hrih lo thu a sim. Felipe Vecci khalin amai dinhmun in a tuar zet thu, asinan Rome mi pawl khal in an tuar ve ding thu Missa raithawinak ah a tel duh thu, Pope Francis in Pope a cawl zo tu thawn pehpar in ziangtin thu a sim ding timi a theih duh thu, a ngaih sak zet thu a sim.

          Victoria Gutierrez khalin Mexico ih khawmzawh pawl thawn an rat thu, Pope a thih nak thu cu social media in a theih caan ah Basilica biakinn ih an feh caan a si thu, cui thuthang ruangah a thin a nat zet thu, ziangruangahtile Pope a thihnak hmun cu an umnak hmun thawn a hlat tuk lo ruangah a si thu, Pope Francis cu Pope Benedict XVI ih harhdamnak a besiat ruangah a hrang ah ahleice thlacam sak dingah St. Peter tual ih a thleng tu mipi pawl a dil ih Pope Benedict XVI hrang a nunnak a cem hlan le a thih hnu khalah ahleice in thla a cam sak thu a sim.

          Ivana Romero in Pope a nunnak a cem nak thawn a deng awk ruangah him dinhmun caan tha ah lain nitin Missa a tuah thu, a ruak a va zoh duh thu, ziangruangahtile a thu hla ka thei duh bet thu, caan um loih Pope vui nak Missa tuah caan a umlo asile tuini ah Missa raithawinak tuah in a hrang ah thla a cam sak thu Rome ih khawmzawh pawl dinhmun in siseh, khualtlawng dinhmun tiin siseh, a thleng tu pawl in Pope Benedict XVI a nunnak cemnak thawn a deng awk nak parah an sim cio. Himi thuthang cu Rome Reports thuthang ihsin kan don mi a si.

https://bit.ly/3ijcAN1