Pope in covid-19 nat a tuar rero tu pawl a zangfah thu a sim. June 07. 2020

Pope in covid-19 nat a tuar rero tu pawl a zangfah thu a sim.

June 07. 2020

          Pope Francis cu Angelus thlacam theh ah, covid-19 nat suan nak a do rero tu ram pawl hrangah thla a cam. Cuihleiah June thla cu Jesuh Thianghlim thinlung thla khal a si thu, atuvekih St. Peter tualrawn ih mipi ton awk sal thei nak caan cu Italy ramah covid-19 pulhnat kan lan timi hminsin nak a si thu, asinan harhdam nak zung ih thusuah mi pawl cu tuah hrih rero in thlun ding a si thu, ziangruangahtile cui thusuah pawl cu pulhnat pi karhzai lo dingah kham awk nak a si thu, curuangah hlawhtling zo tiin zamrang zet in au in daithlang zet in um lo ding khal ah ralrin nak a pe. Thenkhat ram pawl ah a tui tiang nat a kaih rero laithu, a liam zo mi ninga sunah ram pakhat ah minute pakhat mi pakhat hrawng an thih thu, himi theih dah kel lomi mangbang nak thu ruat in covid-19 nat a do rero tu ram pawl, nat a tuar rero tu minaa pawl, minaa pawl ih innsang pawl, a kilkhawi rero tu zaten a zangfah thu, an kiang naibik ah a um thu a sim.

          A Thianghlim zet mi Jesuh Thianghlim thinlung

          Tui thla cu Jesuh Thianghlim thinlung hnen ih up nak thla khal a si. Hi upat pek nak cu Pathian minung pawl lakah thlarau lam ih a khoh, a nem mi pawl zaten a fimkhawm thluh. Jesuh Khrih ih minung pawl le Pathian ih thinlung cu kanmah pawl Pathian zangfah nak, ngai thiam nak, lungnem nak pawl ziangtik lai caan khalah in co ter thei mi thluasuah nak hmun a si. Gospel ca tlang pakhat ruah nak men khalin a tlun ih sim mi thlasuah pawl kan ngah thei a si. Ziangruangahtile Jesuh Khrih ih um tlandaan zaten, tongkam tinah a thupi bik in duhdawt nak a um a si. Cui duhdawt nak cu Pa Pathian ih duhdawt nak a si.

          Bawi Jesuh thi le sa ih a um mi Jesuh Khrih hnen zum nak in duhdawt nak thu hmuh a theih. Ziangruangahtile cui duhdawt nak cu himi Saramentu sungah a um ringring. Cutivekih kanmah pawl ih duhdawt nak neih lo nak, a mal mi thinlung khal nuam teten in thin sau mi, tirh a siang mi, zangfah nak thinlung pawl a cang ding thu kha a sim. Himi thuthang cu Vatican thuthang in kan ngah mi a si.

https://bit.ly/37mhtLy