Pope cu Angelus thlacamnak hmun ah Bawi Jesuh vekin Pathian le kiangkap pawl hrang rian tuan dingah Khristian pawl a sawm. August 30, 2020

Pope cu Angelus thlacamnak hmun ah Bawi Jesuh vekin Pathian le kiangkap pawl hrang rian tuan dingah Khristian pawl a sawm.

August 30, 2020

            Zarhpi niah Angelus thlacamnak hmun in Pope ih a sim mi cu thinglamta phurh nak timi cu, Pathian le kiangkap pawl rian dingih nun nak a si. Zarhpi ni Gospel thuthangtha ah Bawi Jesuh cu a dungthluntu pawl hnen amah rori a ton dingmi harsat nak, thih nak le thoh sal nak thu cu a sim. Dungthluntu pawl ih zum nak cu leitlun daan vekin, leipar hringnun thawn lawng nel aw in, an pitling hrih lo nak ruangah Bawi Jesuh ih zirh mi pawl cu an thei thiam thei lo thu Pope in a sim.

            St. Peter le a dang dungthluntu pawl, kanmah pawl hrang khal ah thinglamta cu ban nak tiah an ruat theu. Bawi Jesuh hrang ahcun bah nak cu thinglamta a pial ter tu thil, tiduhsan cu Pa Pathian ih duh nak pial nak tiin a ruat. Curungah Bawi Jesuh cu Peter hnen "nang setan, tlan aw" tiin nun a sim. Bawi Jesuh ih a hman mi dungthluntu pawl si nak, Gospel ca thianghlim ah Bawi Jesuh in "ka dung in thlun duh tu pawl cun a mai duh nak hril in, a thinglamta phur in i thlun seh," tiin a dungthluntu ding pawl cu ziangtivek an si ding ti a sim.

            Cumi sim nakah Pope ih a sim mi cu "Bawi Jesuh cu a hman mi dungthluntu phun hnih a lang ter. Mah le mah hrial aw timi cu a hman mi thleng awk nak a siih, mai thinglamta phur timi cu nitin ton mi harsat nak pawl thinsau ten phur lawng a si lo. Bang nak le harsat tuar nakih then khat asimi thil tha lo do dingah zuam nak cu zum nak le tuanvo thawn phurh nak a si. Leilungpi rundam nak ah tel nak, Pope cu leilungpi rundam nakih tel nakah a thu par ih a duh dan cu "thinglamta phur nak" timi cu Bawi Jesuh thawn leilungpi rundam nak a si tiin a sim.

            Thianglamta cu kanmai ulenau pawl hrang rian tuan nak, a hleicein a nauta bik le tha nem tuk mi pawl hrang rian tuan nakihsin  Jesuh Khrih thawn hmunkhat ten kom aw dingah kan tuamtah mi ih hminsin nak pakhat asi thu, cumicu thilri asilole ceiawk dingih hngawngorh vekin man nei lo dingih thil a si lo thu a sim. Kanmah pawl cu thinglamta kan zoh tik ah Bawi Jesuh in a tuanvo cu a nun nak pek nak in, sual nak ngai thiam dingah a thi sen luangnakin a kim ter nak kha kan ruah ding a tul tiin a sim. Bawi Jesuh ih dungthluntu si dingah kanmah pawl cu a mah nun cawng in kannun ram cu Pathian le kiangkap inn hnen pawl duhdawt nak hrangah kan nun ramah famkim zet in nun a tul thu a sim. Hiti thuthang cu Vatican thuthang ihsin kan ngah mi a si.

https://bit.ly/32JpRTf