Pope cu covid ih donak nasazet ih a tuar tu Cuba hrangah thlacam. September 23, 2020

Pope cu covid ih donak nasazet ih a tuar tu Cuba hrangah thlacam.

September 23, 2020

            Kan dung tlawngkai nithum ah Pope Francis cu Cuba ram ih Pathian riantuannak ih a khual tlawn nak kum (5) kim nak cu mang sal in corona virus ih do nak cu nasazet ih an tuar nak cu sim phah in thla a cam sak. St. Peter tualrawn ih a thleng tu Spain tong hmang tu khawmzawh pawl hnen Pope in unau Bishop pawl, Cuba tikulh ih duhdawt zet mi fale pawl thawn a um tlang thu le thla a cam sak thu, covid nat ruangah a cang mi harsat nak pawl dem deuh dingah Cuba ah zangfah nak ih Cobre Bawinu ih thlacam sak nak cu a dil sak thu a sim.

            Tubaite niah Cuba Bishop pawl ih thuthan pakhat an suah. Cui thuthan nak ah Pope ih Pathian rian tuan nak a khual thawn nak cu an lung a awi thu, cui a tlawn nak ihsin ngah mi biak nak lam hmuh nak pawl cu mang sal dingah, Pope ih a tan ta mi zangfah nak cu thazang lak nak dingah nei ringring dingah, cutivekin Gospel thuthang tha ih um daan thawn Pathian hnatuan nak cu a thar in tuah sal dingah a forhfial.

Covid-19 le Cuba

            Cui thuthan nakah covid-19 thawn pehpar in an ton rero mi harsat nak pawl khal an sim bet. Ziangruangahtile ram sung innleng suaknak reipi khar nak cu nunphung bom nak tampi cu tikcu khel a thlen nak in a nuam te ter. Covid nat suan mi minaa (5000) an um ih, nat nak ruangah nunnak a cem tu (120) an um thu, Pope cu (2015, Sep 19) ah Cuba ah a tlawn thu, Pope Francis cu Cuba ih khual a tlawng tu a vei thum nak Pope a si.

            "Nunnak hrangah man cia" timi hmin pek mi khawnglawng cu thluasuah pek ank khawmzawh pawl lakah Poland ramih kawhhran mipi pawl khal an tel. Poland ram ih khawmzawh tu pawl hnen khalah Pope in pumsung nauthlaknak dodal tu pawlkom ih "nun nak hrangah man cia" tiih hmin pek mi khawnglawng a keng. Cui pawlkom cu Pope in upadi ih on mi pawlkom hnen zangfah dil nak ca pakhat kuat dingah a dil. Cui khawnglawng tum nakin minung nunnak a suahnak cu thih ni tiang man a nei timi theih ter ding asi thu, khawnglawngih aw cu upadi ih on mi pawlkom, Poland ram ih thinlung tha nei mi, mipa, nunau pawl leilungpumpi ih mipa, nunau pawl ih thinlung thangphok hram seh. Pakhat lawng asiih, nunnak a pe thei tu Pathian cu nanmah le nan innsang pawl thluasuah pe hram seh tiin Pope in thla a cam sak. Himi thuthang cu Vatican thuthang ihsin kan ngah mi a si.

photo courtesy of : AFP or Licensors
https://bit.ly/3cFryG0