Pope cu 'Lazarus' pawlkom ih kum (10) kum niah thapek nak tongkam thawn tha a pe June 05, 2020

Pope cu 'Lazarus' pawlkom ih kum (10) kum niah thapek nak tongkam thawn tha a pe June 05, 2020

          Gospel Cathianghlim ah 'Lazarus' hmin in mi pahnih a lang ter. Pakhat cu Bawi Jesuh thawn a nel aw zet mi Martha le Mari tei ih nau pa, a thih hnu nili nak ih Bawi Jesuh Khrih ih a thoh ter sal mi pa a si. A dang pakhat cu Jesuh Khrih ih a milian pa tahthim nak ih a tel mi 'kut dawh Lazarus' a si. (Johan 12:16-20) ih kut dawh 'Lazarus' hmin bun in 'Lazarus' tiin pawlkom pakhat an din.

          Mi pakhatih a hman mi sual ngaithiam nak thu cu Pope in himi pawlkom thawn an relkhawm mi thu hla a si. Himi pawlkom cu France ram ih hram toh mi a si. Cumi pawlkom cu 'Lazare asilole Lazaus' tiin an ko. Covid-19 pulhnat do nak in pawlkom sungtel mi pakua lawng an ra ih May thla (29) niah Pope ih um nak Vatican sungih Casa Santa Marta ah an tong aw thei. Ziangruangahtile tuikum ah himi pawlkom din nak kum (10) a kim a si. Himi tonawk nak ah mah rori a tel thei lo tu pawl cu live thlah mi ihsin an tel a si. An ton awk caan cu nazi pakhat tlun a rei. Cumi tonawk nak ih hminsin mi pawl cu pawlkom sungtel pawl ihsin ninga sunah line parah an tar lang a si.

          Pope thawn a tong aw mi pawlkom aiawh pawl in lam zin kap ih hnatuan pawl le lothlo mino pawl kanmah pawl cu felfai ten nun khua sak ti lo cu ziang hman kan tumtah lo. Himi pawlkom cu 2011 kumah Pari khuami mi pahnih a simi Etienne Villemain le Martin Choutet pawl ihsin din mi a si. Anmah pahnih cu lamzin kap ih a um tu pawl thawn um tlang dingah an pot cat aw. Cumi ihsin thok in himi pawlkom sungtel pawl in an inn pawl inn nei lo le um nak hmun a nei lo tu pawl an um ter. Inn khan pakhat ah minung paruk ihsin pahra tiang pumpek hnatuan in an um. A tu caan ahcun pawlkom sungtel (200) an si zo ih, Pari khuapi ah inn (12) hrawng a um zo. Himi pawlkom cu miphun thleidan nak mal dingah a hleice in an do ih, inn le lo nei lo pawl cu a hleice in bawm an tul thu, anmah pawl cu minung khat le khat pehtlai awk nak an tul thu, kiangkap minung pawlin cohlang thei dingah an simfiang tiin Pope hnen ah an sim.

                              Minung neih mi si nak

          Pope in pawlkom aiawhtu pawl hnen a theih duh mi pawl a sut ih, anmah pawl khal in a san nak an pe. Minung neih mi si nak thawn pehpar in Pope ih a sim mi cu 'Nan mah pawl cu a tha bik lek thiam nan si thei. Nan harhdam nak cu a tha tuk ding. Asinan mawinak nan neih lo ahcun nangmah cu ziang hman man na nei lo. Minung neih mi si nak cu mawi ten nung thei nak dingah a si. Neihnungah siseh, farah ah siseh, harhdam ah siseh, nat caan ah siseh mawi nak cu Pathian hmai minung hmai ah nunnak um tu daan a si. Upat tlak si nak cu sunglam thazang a thang ter. Cui thazang cu Pathian ih fa sinak in a rong suak mi a si.

Ngaithiam nak

          Ngaithiam nak thawn pehpar in nunau nauhak te ih suh mi cu Pope in ngaithiam dingah le ngaithiam nak ngah dingah cun tlun le feh lekhmat (ticket) thawn a bangawk thu, ngaithiam nak thazang nei ding ah cun nun ram zaten asi thei thu, daidim zet in, tangdor nak thawn hma le nat nak thawn a khat mi thinlung a hloh thei ding tiang ngaithiam nak lamzin zawh thei dingah a thupit thu, himi thu thawn a pial aw mi thinnat nak cu ro tha lo a si. Ziangruangahtile minung nun ramah zianghman that hnem nak a pe lo-ih, a thang ter lo thu a sim a si.

Tettikhan nak

          Pawlkom aiawh tu pawl thawn khat le khat an suhawk nakah Pope in tettikhan nak khal a thu pit thu, tettikhan nak cu Gospel thuthangtha ih lamzin mah rori ih lang ter vekin thinlung lam khal nung ter nak a si. Kan nu Pawlpi cu Pawlpi sungah luh lo theih lo in lut ter ih tuini tiang a thanso nak a silo. Thuthangtha a nungih tettikhan nak in a thangso nak a si. Pathian thei lo tu pawl si nakin Catholic zumtu pawl Gospel thuthangtha vekin nunnak an hmuh asile biak nak thawn pehpar in thusuh nak pawl an sut ding. Himi thu thawn pehpar in Pope in France Siangbawi a si mi Charles de Foucauld ih nunram cu tahthim nak a pe. Amah cu Algeria ah (1916) kumah thuthangtha ruangah thah a rak tuar. Amah cu a rei hlan ah Mithianghlim ah ret a si ding.

 Nu pawlpi ih Rothil

           Tlawngkai pi rualpi pakhat in, “kiangkap minung an farah lai ah ziangruangah nu Pawlpi cu a famkim?” tiin a suh nak khal “Church” cu tong thei zet mi a si. Cui hnuah neinungnak le farah nak thu Pope in a sim fiang. A tlang pi in upadi si nakin tah nak pakhat tiang minung pawkhat in thil ri an nei. Sumpai an nei. Curuangah Pathian thawn an hlat aw. Hitivek ih a can nak cu minung in thilri duh tuk nak an nei. Curuangah Pathian thawn an nai vivo a sile hamtam nak a hlo vivo. Cutivekin ziangkim a famkim mi thenkhat cu an lian nan an lian nak cu Gospel thuthangtha ih tleu nak vekin an neih mi thilri, sumpai an hmang. Asinan, Pope, Bishop, Siangbawi, Sister pawl an lian asile hitivekih a si nak cu Kawhhran zum tu pawl hrangah a tha lo mi a tum zet mi teetti ah a cang. Bawi Jesuh dung naiten thlun dingah kawh a si mi tinkim cu thilri, sumpai thawn hla zet ah um in harsat mi thinlung nei ding a si. Asinan, tul nak ruangah mi pakhat cu sumpai a kai a si le maithat nak hrang cang ter hlah seh. Midang hrang tuan nak lawng lawng siseh. Loyola khuapi ihsin St.Ignatius ih sim mi ah, “Farah harsat nak cu nunnak ih nu a si”. Ziangahtile sian nak thinlung a nei ter. Himi cu mah le mah midang hrangah pekawk nak a si. Himi pawlkom cu Vatican ah um a theih le theih lo an suh tikah Pope in a tui tul zet mi cu um nak hmun a si lo. An tonawk nak ih a net nak lam ah, “kan ngah mi tirhsian nak duhawt nak cu ziangtivekin kan leh rul sal ding,” ruah nak pe in an tonawk nak cu an cawl a si.

https://bit.ly/30ONZ7s