Pope cu Regina Caeli thlacamnak hoha dingah St. Peter tualrawnpi cuannak sangka te ah a lang sal ding (April 14, 2021)

Pope cu Regina Caeli thlacamnak hoha dingah St. Peter tualrawnpi cuannak sangka te ah a lang sal ding April 14, 2021

Pope cu Regina Caeli thlacamnak hoha dingah St. Peter tualrawnpi cuannak sangka te ah a lang sal ding

April 14, 2021

          "Hmai Zarhpi, April 18 ihsin thok in Regina Caeli thlcamnak hoha dingah St. Peter tualrawn cuannak sangka te ah a ra lang sal ding a si.

          Tui tum ah hin Covid-19 pulhnat ihsin humhualawknak daan tampi thawn khamawknak ruangih a colh hnu ah St. Peter tualrawnpi ih a ra pumkhawm  mi mipi pawl thlacam hoha dingih a ra sal ding mi a si.

          Covid-19 pulhnat karhdaan a tunghmun lo ruangih humhualawknak daan pawl Italy acozah in a tu le tu an thleng rero mi in Pope Francis ih mipi thawn an pehtlaih awk nak tampi a hnaihnok. A maih umnak innpi sungih Library khaan sung ah media hmang phah lawngin mipi pawl thawn pehtlaihnak a rak nei thei.

          Kan dung baite March 21 le April 5, Zarhpi ni pawl ah cun Pope ih lang theunak sangka te cu khar a rak si. Cu le March 28, Palm Sunday (Thulhfau puai) ni ah cun St. Peter Biakinn pi ih Missa raithawinak a tuah theh hnu ah Angelus thlacamnak a rak nei cih.

          Cun, kan dung Zarhpi ni (Pathian ih zaangfah lainatnak puaipi) ni ah cun Sassia ih Santo Spirito Biakinn pi ah Regina Caeli thlacamnak a rak nei.

          Kan dungkum ih lockdown tuah mi in mipi pawl cu March 8 ni in May 24 tiang Berninis Colonade ti mi St. peter tualrawn kimvel ih thuam tlar sunglam lut thei lo dingin a rak kham.

          Cui mi sung cu Pope khal Zarhpi ni ih Angelus thlacamnak a neih theu mi kha a umnak innpi ih Library khaan sung ihsin live thawn a rak thlah theu.

          Cui hnu ah December 20 tiang thla malte sung a sangka te ah a lang sal lawk nain February 7 tiang cu pulhnat ruangih humhual awknak daan ih kham nak ruangah Pope ih langtheunak sangka te khal kharsal a si la la. Cuihsin, March 14 tiang malte sung on a si lawk nain March 21 tiang khar a si sal.

          Regina Caeli thlacamnak cu Thosal caan sung Angelus thlacam caan ih cam mi a si. Pope in Zarhpi tinte'n sun ngazi 12 ah St. Peter tualrawn pi ih a ra pumkhawm mi mipi thawn Angelus thlacamnak a si lo le Thosal caan ah cun Regina Caeli thlacamnak cu a sangkate ihsin a hoha theu mi a si.

          Hi mi thuthang cu Vatican thuthang ih kan ngah mi a si.

Add new comment

1 + 1 =