Pope a dotdot hrang Sangrawh saktu Sangrawhnak dawr kum 93 rei ah phit ding.

Pope a dotdot hrang Sangrawh saktu Sangrawhnak dawr kum 93 rei ah phit ding.

          Hi Sangrawhnak a neitu cu Angelo Arrigoni a si ih kum 79 a kim zo. Amah cu Sangrawhnak thawn pum rak cawmtu a si. A nauhak laite ihsin a pi le a pa in Vatican ah danglam zet in an rak zorh thu rak zoh in a hmu ringring tu a si. Amah in Pope hnen ih Sang a va kuat tikah Pope hrangih thaitawh tuah sak theutu Sister pakhat in sangka a rak on sak theu thu, Sang a kuat hnu a kir sal tik ah veikhatkhat cu hlapi in Pope a rak hmuh thu, veikhat cu Pope in Sister hnenah kha mi pa te biak ka duh tiah a rak cah. Curuangah Pope thawn an biakawk ruangah cui ni cu inn tlung a tlai ih a Pa in ziangah na tlai tlawng feh na tlai ding tiah a rak ti thu, zamrang ten hnipuan thleng aw tiah a rak ti ih cu tikah  Pope thawn kan biakawk ruangah ka tlai tiah a rak sawn ih ziang thu kan rel ti cu ka hmang nawn lo tiah a sim.

            Hi mi Sang rawhnak cu 1930 Pope Pius XI sanlai in Vatican ah Sangrawh mi an rak kuat thu, nitin a kuatu hnatuan tu cu Sang retnak a keng ih dawr ih a thlen tikah a pi le a Pa in Sang kha thaten an ret sak ih Pope hnenah an kuat  ter theu thu a sim. Pope pakhat le pakhat ih an duh daan cu a bangaw lo. Amah cu Pope Pius XII san laiah a rak suak.

           Pope Pius XII nak cun siti rawi mi Sang a rak duh. Pope John XXIII cim biscuit le sun wish a duh. Amai dinhmun in cun Pope Benedict XVI nak a rak cing bik mi a si. Ziangruangah tile Cardinal dinhmun lai in a dawrah a ra theu ih Sang a lei theu tu a si. Athoknak ah cun cardinal a si khal ka rak thei lo ziangah tile kor menmen hru in a rat ruangah tiah a rak sim. Pope Benedict XVII cu zarhkhat veikhat Sang a lei theu tiah a rak sim. Pope Francis Pope ih hril a si thu Agentina in a si thu a theih tikah Agentina ih  ah ei theu mi Sang a rak timtuah ih a rak kuat thu, neta lamah Pope in a mai hrangah a hleice in tuah lo in a kelte in a ei ding tiah a sim tikah a  menmen ten an tuah sal thu khal a sim. Atu ah hi dawr cu remcan lonak an nei ruangah tuah hrih dingah a can theilo ruangah an khar ding a si. Vatican zungih hnatuan tu pawl lawng silo in Borgo Pio lamzin ih a um mi Rome mi hrekhat pawl khal in hi mi Sang ih thawt zia an hlam thlang ding a si. https://bit.ly/43sznYl