Pope in eastern India’s West Bengal state ah Asansol Bishop thar tuanvo pek.(June 3, 2023)

Pope in eastern India’s West Bengal state ah Asansol Bishop thar tuanvo pek.(June 3, 2023)

          Nisuahnak lam India, West Bengal, Asansol ih puithiam pakhat, Fr, Elias Frank (61) cu Pope Francis in July 03 ah Diocese ih Bishop ah a rak hril. Tu ahcun, Fr. Frank in Rome ih Pontifical Urban University ah Canon Law a zirh rero.Frank cu India thlanglam, Karnataka ih Indian state ih major commercial center pakhat, Mangalore Diocese, Infant Jesus Parish, Bantwal ah Aug 15, 1962 ah a rak suak.

          Don Bosco of Calcutta Province ih Salesian pawl ih hruaikainak thawn din mi, Shillong ih St. Anthony’s College ah higher secondary studies, Modankap ih parish tlawng ih a zir theh hnu, 1983, Kolkata Archdiocese ah a rak tel ve. A mai minor seminary training cu Barrackpore ih Barasat ih St. John Mary Vianney seminary, Morning Star Regional Seminary ah philosophy, le Rome ih Pontifical Urbaniana University ah theology a rak zir.

          April 23, 1993 ah Calcutta, Howrah ih Our Lady of Happy Voyage Church ah Puithiam cannak a rak ngah. Puithiam cannak a ngah hnu, 1993-1995 tiang, Frank cu Burdwan ih Sacred Heart Church ah parochial vicar dinhmun in a rak tuan.1995-1996 tiang, Basinda ih Kristo Jyothi (Bawi Jesuih tleunak) Church ah hruaitu Puithiam le 1996-1999 tiang Burdwan ih Sacred Heart Church ah prochial vicar dinhmun in a rak tuan lala. 2002-2003 tiang, Asansol diocese ih sersiamnak theh ah, Dugapur, St. Theresa of Lisieux Parish hruaitu dinhmun in a rak tuan. 2005-2006 tiang, Burdwan, Sacred Heart Church ih parish puithiam a rak tuan.

          2005-2006 tiang, Kolkata ih the Inter-Diocesan Tribunal ah thuthentu pakhat dinhmun in rian a rak tuan. 1999-2001 tiang, Rome ih Pontifical Urbaniana University ah fimthiamnak a rak zir ih, 2001-2002 tiang, Canon Law ah licence pakhat, Jurisprudence ah diploma pakhat a rak ngah ih 2003-2024 tiang, Canon Law ah doctrine pakhat a rak ngah.

          2007 ihsin tui ni tiang, cui university thotho ah, Canon Faculty ah “The Sanctifying Office of the Church” ih professor a tuan. 2020 ihsin, “Accademai Alfonsiana” ah visiting professor dinhmun in a rak tuan. Ca uk pahnih a rak suah ih scientific journal a phunphun ah cafang tampi a rak tel.Asansol Diocese cu May 04, 2020 ih rak cawl tu hmaisabik Bishop Cyprian Monis thawn Oct 24, 1997 ah an rak din. Cu theh in, Bishop Salvadore Lobo cu apostolic Administrator dinhmun in tuanvo an rak pek.

          Diocese ah Parish 25 a um ih, Vatican ih suah mi vek a si le 2021 ah Catholic mipum 31,050 an um. Hi thuthang cu RVA thuthang ih kan ngah mi a si.