Pope Francis in Corpus Christi (Bawi Jesuih Thi le Sa) puai cu zarhpini ah St. Peter Basilica ah a tuah ding. June 08, 2020

Pope Francis in Corpus Christi (Bawi Jesuih Thi le Sa) puai cu zarhpini ah St. Peter Basilica ah a tuah ding. June 08, 2020

          Zarhpi ni ah Pope Francis in Corpus Christi puai cu St. Peter Basilica ah Mass raithawinak a theh in (Bawipai Thi le Sa upat nak) Benadiction thawn a pehcih ding.

           Vatican News in a  sim mi cu, “Pope Francis in corpus Christi(the Solemnity of the body and blood of Christ) ti khal ih hmin thang mi Bawi Jesuih Thi le Sa a ropi nak cu June ni 14, Zarhpi ni ah St. Peter- Basilica ih pulpit par ah a tuah ding a si,” tiah a sim a si. Cu mi ah Sacrament pawl le Benediction tla a tel ding a si.

             Pope Francis thawn zumtu mining 50 hrawng lawng in an tel thei ding a si. Mass raithawinak cu Rome tikcu caan nazi 9:45 ah Vatican Media in live a thlah ding a si.

Pope Francis thawn Corpus Christi tuah nak

             Kan dungkum cu Pope Francis in Rome’s Casal Bertone kiangih Santa Monica khua lenglam ih um Ostia ih Santa Monica parish hmai ih tualrawn ah a rak tuah theu.

Puaipi a thawh nak

Corpus Christi puaipi cu kumzabi 13 ah an rak tuah thok. Belgium ih Saint Juliana de Cornillon ih a danglam zet mi a hmuh ton mi cu kum 1247 ah Liege ih the Most Holy Euchrist puai ah an tuah.

 Kum tamdeuh a rung rei hnu, kum 1263 ah Bohemian Puithiam in Italy ih Pathian biak nak cu Jesus in the Blessed Sacrament ih a tak tak ih a um nak thu hla ah rethei zozaih nak a rak tuar a si. Bolsena khua ih Mass an tuah lai ah Bawi Jesuih Thi le Sa mangbangza a rak hmuh mi cu Missa raithawi nak an tuah lai ah Puithiam pawl ih an cam theu mi thlacamnak a cam theh hnu ah thisen malte a rung fawr ih Sangreu phel mi khal a tla. Kum tamdeuh a rung rei hnu, kum 1264 ah Pope Urban a pali nak in Corpus Christi puai cu leitlun ih um mi Biakinn tin ah a rak karh zai ter.

https://bit.ly/2AN7Hpn