Pope Francis in Covid-19 nat suan a tuar tu Puithiam pawl hnenah a zawn ruah nak a lang ter (July 11, 2020)

Covid-19 nat suan a tuar tu Puithiam pawl hnenah a zawn ruah nak Pope Francis in a lang ter (July 11, 2020)

          Covid-19 nat suan a tuar tu Puithiam pawl cu Pope Francis ih suah nak khua a si mi Argentina ram, Buenos Aires khua thawn a hlaa lem lo mi "Curas Villeros" ti mi veng in an si.

          Pope Francis in cui Puithiam pawl cu Video File thawn thla a cam sak thu le a zawn ruah nak thawn tha pek nak tongkam a sim.

          Cui Puithiam pawl cu an mai Tuu Khaal hnatuan cu mi tampi lak ah tuan phah ih nat suan a tuar tu pawl an si. Video File sungah cun Pope Francis in "Tha ka lo pek mi cu nan mah thawn a nai bik in ka um ding thu, nan mai hrangah thla ka cam ding thu, a tu khal nan mah thawn ka um thu,  nan mah khal thlacam nak in siseh, Sibawi pawl ih tuam hlawm nak lak in harsat nak caan  nan pah tlang thei ding tiih a zum thu cu July-9 ih a kuat mi Video File sungah a sim a si.

          Covid-19 suan a tuar tu Puithiam pawl sungin, 'Bachi' tiih mi theih tammi Puithiam Basilicio Britez hrangah a thupibik in a sim. A hnenah Villa Palito ti mi Page ah 'Barrio Almafuerte' tiih mi thei tam mi cui harsat caan ih an khua hmin ih hotu sunlawih in a hmang.

          Hi vek harsat caan thawn ton awk nak pah suak nag hrangah Pathian hnenah a ap. Pulh nat caan a si ko nan Puithiam pawl an mai Puithiam hnatuan cu harsa zet in Pathian ih Tuu pawl an kilkhawi nak hrang khal ah a lungawi thu a rak sim.

          Cui hmun cu kum 1960 ihsin thok in cangvaih nak an rak thok ih kum 1990 ah Buenos Aires ih Archbishop George Mario Bergoglio in Pope Francis hnen in thapek nak pawl a don nak a tui caan ah hin cui khua in Puithiam a cang tu 22 an um ih khuapi thawn a nai mi khua pawl ah Pathian hna an tuan. Nat a tuar tu Puithiam pawl cu mipi ih theih tam mi an si ih mipi thawn a nel aw zet mi cu Fr. George Maria Di Paola a si lo le Pepe tiin tla an kawh mi a si.

           Rome Diocese sungih um Puithiam pawl le Rome ih um St. John tual rawn Basilica ah an tonaw ih 2017, March 2 ni ah Jose Maria Di Paola cu Pope ih zohthim tlak tiin mipi theih ah an rak tarlang. Cui tonawk khawm nak ah cui sii suai tu mino pakhat ih thuhla cu tahthimnak ah a rak sim. Cui mino cu a um nak Gayhar in suah a tum lai ah cui Puithiam cun thinsau ten a rak kilkhawi.

          Nikhat ah sii suai tu mino cu Puithiam hnenah a feh ih a tuar thei nawn lo thu le a sungkua pawl a ngai thu, a nupi le a fa pahnih khal a ngai ruangah tlun a va dil.

           Cui Puithiam in lainat nak thinlung thawn a liang cu tham phah in a sim mi cu, "Feh aw! Na hrangah a famkim zo," ti a si. Ti duh san cu, "a tu cu na sungkua pawl ngai na thiam zo. Pathian hnenah lungawi thu sim aw. Ziangah tile tikcuu le caan a tlai hlan ah na thei awk. Thu ngai ah cu na mang sal awk nak a rei zo," tiah a rak sim.

https://bit.ly/3iRvaHx