Pope Francis cu ‘The Chosen’ zuknung ih director le lemcang tu pawl thawn an tongawk (August 13, 2021)

Pope Francis cu ‘The Chosen’ zuknung ih director le lemcang tu pawl thawn an tongawk

August 13, 2021

         Director cu Dallas Jenkins a si ih lemcangtu cu Jonathan Roumie a si. An pahnih in Pope Francis hnen khawmzawhtu pawl thawn an tonawknak Mithianghlim Pope Paul VI hall khaan sungah midang pawl thawn an rak um. Jonathan Roumie cu ‘The Chosen’ (hrilnak a ngah tu) ti mi zuknung sungah Bawi Jesuh dinhmun in lem a cang. Director cu Dallas Jenkins a si. Hi mi cu zuknung pakhat a si. An mah pawl ih Pope cibai an buuk caan a thlen caan ah Roumie in a rak lei cia mi Rosary pawl thluasuah pe dingah Pope Francis hnenah zaangfah a rak dil. Cui hnu ah Pope hrangah thla a cam sak ding thu a rak sim.

Roumie : Spain tong ka thiam lem lo. Asinan,  Pope hrangah thla ka lo cam sak ringring.

Pope : Ka lungawi.

Roumie : Ni tinten thla ka lo cam sak.

         Cui hnu ah Roumie in a mah cu ‘The Chosen’ lemnung ah Bawi Jesuh dinhmun in lem a can thu a sim tikah Pope ih mithmai cu a pan zet. Cui caan tiang Pope in zuknung ih lemcangtu ti a rak thei hrih lo.

Roumie : ‘The Chosen’ Tv lemcannak ah Bawi Jesuh dinhmun in lem      a can ngah ruangah ka lungawi zet.

Pope : Bawi Jesuih nun na cawng thei. A mah in lungawi ten a lo um  ter ding.

Roumie : Ka lungawi tiin cibai a rak buuk.

         Cui hnu ah zuknung director Dallas Jenkins cu theih ter awknak a rak nei. Pope in cu ve ten hnihsuah a rak sai.

Pope : A nih cu Bawi Jesuh nang cu Jadah Iskariot maw?

Director : Si e. Si lo…. si lo…. tiin hnih san aw in puai an feh. A mah cu Protestant pakhat a si.

         Asinan, Bawi Jesuh a duhdawttu zaten a mah in lemnung a zuk sak theu thu, ‘The Chosen’ cu sumpai luh that zet nak Biaknak lam lemnung pakhat a si ih Bawi Jesuih thuhla zuknung thawn hmaisabik nak zuk mi a si tiah a rak sim fiang.

         Hi mi thuthang cu CNA thuthang ih kan ngah mi a si.

https://bit.ly/3CNNVps