Pope Francis cu America President Joe Biden le G20 upa pawl thawn tong aw dingah timtuah October 23, 2021

Pope Francis cu America President Joe Biden le G20 upa pawl thawn tong aw dingah timtuah.

October 23, 2021

              Pope Francis ih aralai dingmi zarhih program ah Rome khuapi ih a thleng tu ding ram upa pawl thawn tonawk nak ding pawl thawn a khat. Cui ram 20 ih hotu pawl cu sumdawn nak rampi cang 20 ih thurelkhawmnak kai dingah a si. Cui thurelkhawmnak cu October 30 ihsin 31 tiang tuah ding a si. Aralai dingmi tlawngkai ni nga ah Pope cu America President thawn an tong aw ding. President tiin hril a si hnu a hmaisabik tonawk nak a si. Tlawngkai ni khat ahcun Germany President Frank-Walter Steinmeier thawn an tong aw ding. Tuitum tongawk nak cu Germany ram ih hotu upa 2 thawn tu hrawng ih a veihnih tonawk nak a si. Ziangruangahtile October thla thok lam ah Pope cu Angela Mertel thawn khal an tong aw.

              Thusuah taktak nak a um hrih lo nan Pope cu thlang Korea President Moon Jae-in thawn khal an tong aw ding. A tui thlang Korea President cu Catholic kohhran mi a si. Himi thuthang cu Rome Reports thuthang ihsin kan don mi a si.

Photo courtesy of Rome Reports

https://bit.ly/3B5NmoI