Pope Francis cu Cardinal Simonis ih a nun nak a cem nak ruangah a riah siat nak ca a kuat. September 3, 2020

Pope Francis cu Cardinal Simonis ih a nun nak a cem nak ruangah a riah siat na ca a kuat

September 3, 2020

            Pope Francis cu Cardinal Simonis a nun nak a cem nak thu a theih ruangah ruah siat pi nak ca cu Nether ram, Utrecht Archdiocese Cardinal Willem Jocabus Eijk hnen a kuat. Cardinal Willem Jacobus Eijk cu a tui a nun nak a cem tu Cardinal ih sinak aiawh tu a si.

            Pope in "Cardinal ih thlarau cu zangfah nak a nei tu tuu khal tha Jesuh Khrih hnen an ap sal. Nangmah thawn ziangkim a ti thei tu Pathian hnen Cardinal ih Gospel parah a cem tiang rintlak si nak, Bishop pakhat ih Pathian rian tuan nak cu kum tampi Rotterdam le Utrecht Diocese pawl ah rian a tuan nak ruangah siseh, Bishop pawlkom sungah thazang suah zuamnak pawl ruang khalah siseh, ahleicein ka lung a awi.

            Curuangah Cardinal ih a thih nak ruangah tin thanau pawl hnen thluasuah pe in, Cardinal cu thih nak ihsin a tho sal tu Jesuh Khrih thawn thosal nak cu tha zetin a hngak thei zo thu thazang pe in a hnem. Cardinal cu 1970 ihsin 1983 tiang Rotterdam ih Diocese ho tu tin khal siseh, cuihnuah 1983 ihsin 2007 tiang Utrecht Archdiocese ih Bishop tin khal Pathian hna a tuan. Cardinal si nak cu 1985 Pope John Paul II ih san laiah si nak pek a si.

            Cardinal cu Sep 2 ah Nether ram, harhdam nak kilkhawi nak center ah a nun nak a cem. A kum 88 ah a nun nak a cem. A tu Cadinal a thih  ruangah Catholic Pawlpi ah Cardinal 220 lawng an tang ih, cumi lakah 122 cu kum 80 tang an si. Pope ih hril mi me pek thei nak a nei tu pawl cu kum 80 tang Cardinal pawl vial pek thei nak an nei.

Cardinal ih a thuanthu a tawi zawng

            Cardinal cu Nether ram, Utrecht Archdiocese ih a cawl zo tu a si. Amah cu (1931, Nov 26)ah Lisse khuapi ah a suak. Unau 11 an si. Amah cu Hageveld le Warmond Siangbawi phunsang tlawng ah ca a zir hnu kumkhua Siangbawi si nak cu (1957, June 15) ni ah a lak.

            Siangbawi sinak a lak hn u Diocese pahnih ah Siangbawi a tuan. 1959 ihsin 1966 tiang Rome khuapi ah Bible ca a hleice in a zir ih, A zir mi a thupi bik cu St. Johan ih Bible ih "Tuu khaal tha" timi asi. (1970, Dem 29) ah Pope Paul XI in Rotterdam ih Bishop tiin an hril. Bishop sinak cu (1971, March 20) ah a lak. Cui hnu 1983, June 27 ah Utrecht Archdiocese ih bawm tu Bishop tiin an hril bet. (1983, Dem 8) ah Archbishop a cang. Cumi ihsin thok in amah cu Nether ram, Catholic Bishop pawl pawlkom ih ho tu tiin han a tuan.

            Amah cu Catholic kawhhran pi ih zirh mi vekin kut sih nak, inn sang man le ziangvek dinhmunkhal ah siat suah a ngah lomi minung sinak nunnak man cu fek zet in a zirh. A tu khaal hnatuan in (2007, April 14) ah a cawl. Amah cu (2005, April) ah Pope Benedict XVI hril nak ah a tel. Cardinal sinak cu (1985, Marh 25) ah Pope John Paul II nak in St. Clement tiin hril a si. Himi thuthang cu Vatican thuthang ihsin kan ngah mi a si.

https://bit.ly/3m2D16v