Pope Francis cu February 2 ni leitlun killi ih Pathian riantuan pawl ni ah Missa raithawinak a tuah ding (January 29, 2022)

Pope Francis cu February 2 ni leitlun killi ih Pathian riantuan pawl ni ah Missa raithawinak  tuah ding

(January 29, 2022)

            Tuikum February 2 cu tlawngkai nithum a ciah ih cuini cu Pathian riantuan pawl ni asiih cuini ah Pathian riantuan pawl mipa, nunau pawlkom ih Pathian riantuan pawl St.Peter Basilica Biakinn pi ah feh in Pope thawn Missa raithawinak an tuah ding. Kan dungkum Pathian riantuan pawl niah Pope Francis in pakhat vial siseh, pawlkom thawn um caan ah siseh, thinsau nak zir dingin, mai ruahsan nak vekin a cang lo caan ah siseh, thinsau dingah forhfial in thu a sim.

            “Thinsau nak cu thanaunak ih hminsinnak a silo. Thinlung ih hnget khoh nak a lang ter. Cui thinlung cu mah rori ih tuah mi thilrit siseh, pawlkom ih thilrit khal phur dingah, keng dingah, midang pawl ih famkim lo nak pom ding. Leiram tha in nun a theih ding” tiin a sim. Missa raithawinak tikcu caan cu zanlam 5:30 ah tuah ding a si. Cuini cu Bawi Jesuh Jerusalam Biakinn ih an ap nak puai ni a si. Cuini cu leitlun killi ih Pathian riantuan pawl ni tiin Catholic Pawlpi in an nemhnget. Himi thuthang cu Rome Reports thuthang ihsin kan don mi a si.

https://bit.ly/3IVY9q2