Pope Francis cu kum 86 a kim thlang nan a schedule (a tik cu caan hman daan) rikhiah loin cangvaihnak lam harsatnak pawl.

Pope Francis cu kum 86 a kim thlang nan a schedule (a tik cu caan hman daan) rikhiah loin cangvaihnak lam harsatnak pawl.

          Pope Francis cu kum 86 a kim thlang. A mah cu Argentina ram, Buenos Aires ih Flores kiangah Dec 17, 1936 ah a rak suak. Pope a can hnu ah, Pope Francis in a suahcam cu Rome, the Vatican’s Children hospital ih nauhak pawl thawn hmang tlang dingah a rak hril theu. Netabik a suahcam sung tiang a rak feh thei ko nan, kum 85 a kim hnu cun Pope in a khuk naa ruangah mipi pawl thawn tonawknak ceenserh sungih cangvai thei dingah leeng um mi tohkham a hmang theu.

          Pope Francis kum 86 a kim ni tiang cui a natnak cu a reh thei hrih lo. January thlacem ah, the Democratic Republic of Congo and South Sudan ih a tlawn tumnak hmun, Africa ih zarh rei nawn tlang dingih a timtuah mi khal ni an rak thawn. Cule August thla ah, Pope cu World Youth Day hrangah rei lo te sung Lisbon ah a tlawng ding.

          Tu tiang Pope in Rome ihsin Canada ih a kirsal lai ah a hmailam caan ih a kekar a har ding thu a rak sim. A hlan khual ka rak tlawn theu vekin ka feh thei ding ka zum nawn lo. Ka kum le hi rikhiahnak ah, ka thazaang ka khawl tul tiah ka ruat tiin Pope Francis in a rak sim. Tui ni tiang, Pope ih nitin cangvaihnak in tleunak a langsar ter thei lo ih 2023, Oct ah Rome ih tuah ding mi leitlunhuap Bishop pawl ih Synod conference on puai hrangih timtuahnak pawl ah Pope Francis in a kum 86 ah a hlan vekin a hnatuan a tam ding thu khal a telh in a rak sim.

          Hi thuthang cu Rome Reports thuthang ih kan ngah mi a si.

https://bit.ly/3PuYV1q