Pope Francis cu Malta ih a feh nak program pawl Bawinu hnen a hlan. (April 1, 2022)

Pope Francis cu Malta ih a feh nak program pawl Bawinu hnen a hlan. (April 1, 2022)

              Pope Francis Malta ih a khualtlawn nak cu Pope rian a tuan nak kum sungah a vei 36 nak Itlay ram leng ih a khualtlan nak a si. Pope ramleng ih khual a tlawng ding asile afeh hlan nikhat a duh ah Rome khuapi ih St. Mary Basilica ah feh in Bawinu hnen a khualtlawn nak program a hlan theu. Upa tlak ih, cawn tlak mi biaknak lam daan tha pakhat a si. Pope cu April 1 ah Basilica Biakinn ah feh in thla a cam. Pope cu April 2 zarhte ni an lam tikcucaan zing 10 ah a thleng.

A tleu mi ram

              Pope cu kan dung tlawngkai nithum niah khawmzawh pawl a ton caan ah Malta leiram cu “a tleu mi ram” tiin a ko. A khualtlawn nak khal “St.Paul ih keneh thlun nak khualtlawnnak” tiin a sim. Ziangruangah St.Paul ih keneh thlun nak tiin ti asi timi cu Rome ah feh in thuhla pawl pahsuak dingah St.Paul ih a to mi lawng cu Malta tikulh ah a siat ih an khualtlawn nak an cawl ih tikulh mi pawl an lungawi zet thu cu Dungtluntu 28 ah ka hmu thei.

Pope Francis hrangah Malta ih a feh nak cu a hmaisabik dungthluntu khualtlawnnak a siih, Gospel thuthangtha a hmaisabik theih mi Christian pawlkom pawl thawn khal a hmaisabik ton awk nak a si. Khatlam ih ti asile a liam zo mi kum 2000 ih thuanthu Europe ih thlanglam, a um mi Khristian pawl thawn tonawk nak asi ding. A tu ah Malta cu ralbuai ih a rah suak pawl ruangih mai suah nak ram ihsin a tlan tu harsat tuar pawl a tam bik a cohlang tu ram pakhat a si. Himi thuthang cu Vatican thuthang ihsin kan ngah a si.

https://bit.ly/3x2NM0T