Pope Francis cu a nauhak lai ih um tu daan zirh nak ruangah Salesian pawlkom pawl hnen lungawi thu a sim. May 25, 2020

 Pope Francis cu a nauhak lai ih um tu daan zirh nak ruangah Salesian pawlkom pawl hnen lungawi thu a sim. May 25, 2020

          Pope Francis cu Khristian pawl bawmtu Bawinu puai, nipi niah Argentina ram, Buenos Aires ih on mi Salesian tlawngah phun (6) a kai lai ih a nauhak lai a von mang a si. “Jesuit Pope in Salesian hram a kai ringring” tiin sim sehla  a sual lo ding. Pope Francis cu May thla (24) sun nipi ni, Khristian pawl bawmtu Bawinu Maria puai ni cu Salesian pawlkom in a thupi mi puai ni a si thu, hmuh sak nak pe in a sim a si.

          Vatican sun hnu thlacam theh hnuah Pope cu “tuini, Khristian pawl in bawm tu Bawinu puai niah Salesian sung tel zaten duhdawt nak thawn a cibai thu Don Bosco ih fanu fapa hnen ihsin ngah mi thlarau lam zir nak pek nak caan a von ruahsal tin ten in a lungawi thu” a sim a si.

          Pope nitin Salesian tlawngah Khristian pawl bawmtu Bawinu ih upat tlak mi hmin hnuai a thianghlim mi Bawinu Maria cu, Italy ram saklam ih um Turin khuapi ah 1859 kumah mino pawl hrang pumpe aw dingah, Don Bosco ih din mi mithianghlim kaing asimi Don Bosco ih Salesian tlawngta pawl cu rinsan mi an si.

          Mithianghlim Don Bosco cu amah rori in Bawinu hnen ap in, a din mi Khristian pawl a bawm tu Bawinu ih biak inn pi cu Don Bosco ih Salesian mi le fa pawl ih thinlung vekin a tang. Argintine Pope pa cu nipi sunih a sim mi ah a nauhak lai ihsin Don Bosco ih Salesian tlawngta ih thinlung hip nak thu sim nak cu a veikhat nak lawng asilo.

          Turin khuapi, June 22, 2015

          Pope cu Turin ah June 22, 2015 ah a tlawng ih, August thla (16) 1815 kumah a suak ih, January 31, 1888 kum ih a thi tu Don Bosco ih kum (200) kim suahni sunglawi missa raithawi nak ah a tel. Cutivekih a tlawn caanah Salesian pawlkom pawl le Don Bosco le Saint Mary Mazarello pawl ih din mi Salesian sister tiih kawh mi Khristian pawl bawm tu Bawinu ih fanu pawl a tong. Mino pawl hrangah Don Bosco ih Pathian hnatuan cu sim in Pope cu a nauhak lai ihsin a nu a dam loih, rampi ih acozah tlawng in an dawi ih, Salesian pawl thawn ca zir dinah kum khat a rong tang. A inn sang le Salesian pawlkom pawl ih an nelawk nak cu a sim.

          Pope cu Salesian pawl thawn an um tlang lai ihsin anmah pawl thawn an nel awk nak pawl, Baptism a sang ihsin thok in, Pathian kawh nak a thei ih, Jesuit kaing ih a feh tiang, a kilkhawi tu siangbawi pawl ih that nak a sim a si. Salesian siangbawi pawl a simi Fr, Enrico Pozzolile, Fr.Cayetano Bruno pawl cu Pope ih a hminsin mi pawl an si. 2013 ah "Evangelli kaudium" mirang tong in "the joy of the Gospel" timi ca cu Pope Francis in a suah vekin, 2019 January thla khalah, "Evangelli Guadium with st. Don Bosco asilole Latin in cun "Evangelii guadium con don Bosco" tiih kawh mi cauk tuah nak ah Pope in a thoh nak ca a ngan a si.

          A tlun lam cauk cu Salesian sungtel minung 25 pawl hnen ihsin pek mi nitin harsat nak lakah Don Bosco ih a lungawinak kha a rak ngan mi a si. Agintina ah a nauhak lai in Salesian tlawng ah fimzir nak le Salesian inn sang thawn a pehpar nak cu Pope in a von mang sal.

          Mawinak, hnatuan le phur nak pawl cu Salesian pawl tuah mi a si thu le himi thu pawl khal Salesian pawl ih kawh nak a sithu "Evangelii guadium with St. Don Bosco" timi cauk ih a thok nak ah a rak ngan a si.

https://bit.ly/36DUOtA