Pope Francis cu Pathian ih rian tuan tu 7 kha Mithianghlim tiin khaisang thei dingah zingzoi nak thok ding ah on March 18, 2021

Pope Francis cu Pathian ih rian tuan tu 7 kha Mithianghlim tiin khaisang thei dingah zingzoi nak thok ding ah on

March 18, 2021

            Pope Francis cu mi menmen ih tuah daan hnak in a tha mi pawl a tuah tu mi 7 kha Mithianhlim tiin khaisang thei dingah a tul mi zingzoi nak pawl thok thei dingin a on zo. Anmah lakah Congo ram ih ebola nat suannak a can lai ah ralthat nak thawn mai nunnak ui loin nat suan a tuar tu pawl a tuamhlawm tu nurse Sister pathum khal an tel. Mithianghlim tiin khaisang thei dingah a tul mi thuhla pawl zingzoi thok ding mi Mithianghlim khaisang dingmi asilole Pathian riantuan tu 7 pawl cu a tang lam vek in a si.

1. Pathian hrang rian tuan tu Mercurio Maria Teresi cu Archbishop pakhat a si. Amah cu Monreale ih Archbishop a si. Amah cu 1742 October 10 ah Italy ram, Montemaggiore Belsito ah a rak suak ih Archbishop tiin hna a tuan tu Diocese ah 1805 April 18 ah a nun nak a rak cem.

2. Pathian hrang rian tuan tu Cosma Munoz Perez cu Siangbawi a si. Asinan netalam ah Diocese sung tul nak ruangah "Bawinu ih bom mi fanu pawl Sister" tlawng a din. Amah cu Spain ram Cordoba ah 1636 December 3 ah a nun nak a cem.

3. Pathian hnatuan tu Salvatore Valera Parra khal Siangbawi a si. Amah cu 1816 February 27 ah Spain ram Hurecal Overa ah a suak ih, 1886 March 15 ah a nun nak a cem. A thuhla famkim cu Internet ah siar a theih. A tu cu an thuhla a tawite lawng lang ter nak a si.

4. Pathian hnatuan tu Leo Veuthey cu Switzerland ram Clodoveo ah 1896 March 3 ah a rak suak. Amah cu Franciscan Siangbawi a si. Asinan amah cu Pathian hnatuan tu Italy ram, Rome khuapi ah 1974 June 7 ah a nun nak a rak cem.

5. Pathian hnatuan tu Annelvira Ossoli cu Italy ram Orzivecchi ah 1936 August 26 ah a suak ih, Congo ram, Kikwit ah Pathian hna a tuan lai. 1995 March 23 ah ebola nat suan a tuar ih a rak thi. Amah cu "harsat zet in nunnak a hmang tu Sister" "Congregation of the Sisters of the poor" kaing mi pakhat a si.

6. Pathian hnatuan tu Vitarosa Zorza cu 1943 October 9 ah Italy ram Palosco ah a suak ih, Congo ram Kikwit ah Pathian hna a tuan rero laiah ebola nat tuar tu pawl a tuamhlam laiah nat suan a tuar ih Pathian hna tuan nak hmun ah 1995 May 28 ah a nunnak a rak cem. A nih khal "harsat zet in nunnak a hmang tu Sister" "Congregation of the Sisters of the poor" kaing mi pakhat a si.

7. Pathian hnatuan tu Danielangela Sorti khal "harsat zet in nunnak a hmang tu Sister" "Congregation of the Sisters of the poor" kaing mi a si. Amah cu Italy ram Bergamo ah 1947 June 15 ah a suak ih Congo ram, Kikwit ah Pathian hna a tuan lai ebola natsuan a tuar tu pawl a kilkhawi lai ah nat suan a tuar ih Pathian hna a tuan nak ram ah 1995 May 11 ah a nun nak a cem. Himi thuthang cu Vatican thuthang ihsin kan don mi a si.