Pope Francis cu Philippines ih typhoon thlisia ruangih harsat tuar pawl le Poland ramri ih mivai harsat tuar pawl hrang bom nak kuat. (January 19, 2022)

pope_in_philippines_ih_typhon_thlisia_ruangih_harsa_tuar_pawl_le_poland_ramri_ih_mivai_harsa_tuar_pawl_hrang_bomnak_kuat.

Pope Francis cu Philippines ih typhoon thlisia ruangih harsat tuar pawl le Poland ramri ih mivai harsat tuar pawl hrang bom nak kuat.

(January 19, 2022)

            Kan dung tlawngkai ni thum ni ah Pope ih mi bawm tu zungin thuthan nak pakhat an suah. Cui thuthan nak sungah Pope Francis cu Philippines ram ih typhoon thlisia ih harsat tuar pawl le Poland le Belarus ram hnih ram ri ih a um rero mi harsat tuar pawl hrang bomnak a kuat tiin an sim.

Philippines

            Typhoon thlisia Rai cu Philippines ramah tha tampi in a hrang. Curuangah Pope Francis in thupi ih mi bawm tu hrangah Euro 100000 a hlu. UN ih thuthang a hram pi an sim nak vekin Philippines ih ram then 11 ih mi tan 8 hrawng thlisia ih hran an tuar thu, cutiin inn pawl khal zum ban lo khop in a siat thu an sim. Himi bom nak pawl cu Pope ih Philippines ih a aiawh tu hnen ihsin siatsuah a tong mi Diocese pawl hnen kuat ding asi thu, a tui bom nak cu harsat tuar pawl thawn Pope in pa dinhmun in naibik ah a um thu a lang ter nak a si. Hi mi bom nak thawn Philippiens mi pawl hrang khalah thlacam saknak thawn a bawm rero thu, a tui bawm nak cu leitlun killi ih Catholic Bishop pawlkom pawl ihsin thenkhat, zangfah lainat nak hnatuan pawl a tuan rero tu pawlkom pawl hnen ihsin thenkhat a si thu a sim.

Ramhnih ramri karlak ih a um rero tu harsat tuar pawl

            Pope cu a dang Euro 100000 khal Poland le Belarus ram hnih ramri ih a tang rero mi harsat tuar pawl hrangah ruat dingah a bot cat. Cui bom nak cu Caritas Poland ihsin cui mivai pawl ih a thupi ih tul mi pawl silhkhah sak dingah a si. Cui harsat tuar pawl cu Iraq ihsin a tambik an siih, Syria le Yemen pawl ihsin an si. Anmah pawl cu Tikhaal ding khop dinhmun ah Europe ram ah feh dingah an thleng. Himi thuthang cu Vatican thuthang ihsin kan don mi a si.

https://bit.ly/3Ailqzm

Add new comment

2 + 1 =